დასავლეთის ქვეყნებში დიდხანს ეგონათ, რომ ეს “კაგებე"-ს მოთხოვნა იყო, რათა საჭიროების შემთხვევაში კარის შემტვრევა არ გასჭირვებოდათ, მაგრამ კარის გაღებას მისი თანამშრომლები შემტვრევის გარეშეც მშვენივრად ახერხებდნენ, თან უხმაუროდ.

ნამდვილი მიზეზი კი სულ სხვაა. კარების ასე განლაგება ჩრდილოეთის ქვეყნებისთვის დამახასიათებელია. როცა ღამით ამოვარდნილი ქარბუქი რამდენიმემეტრიან თოვლის ნამქერს მიხვეტავს ზღურბლთან, მაშინვე ხვდები როგორ უნდა დაკიდო კარი, თუ გინდა, რომ გაზაფხულამდე გარეთ გააღწიო.