საზოგადოება 10 წლის ბიჭი სკოლაში ორასმა ბაიკერმა მიაცილა,რატომ? 2017, 30 ივნისი, 0:52 “ეს ნამდვილად დიდებული სანახაობა იყო"
კანადის პროვინციაში ბავშვთა უფლებების დასაცავად ბაიკერები გამოვიდნენ. მას შემდეგ, რაც 10 წლის ქსანდერი კიდევ ერთხელ სცემეს სკოლაში, დედამისმა დახმარებისთვის ასოციაცია “ბავშვთა დამცველებს" მიმართა.
ბიჭს გამუდმებით ამცირებდნენ წონის და წარმომავლობის გამო, რადგან ის ინდიელის და შავკანიანის შთამომავალია. მას თითქმის ყოველდღე სცემდნენ, უხევდნენ სამოსს და რვეულებს.
ბავშვები ხომ ზოგჯერ განსაკუთრებით სასტიკნი არიან, მითუმეტეს როცა მათ საქციელზე უფროსებიც თვალს ხუჭავენ. სკოლის ადმინისტრაცია ირწმუნებოდა, რომ საჭირო ზომებს მიმართეს, მაგრამ სამწუხაროდ გასულ წელს სამმა მოზარდმა, რომლებიც კლასელებისგან ანალოგიურ მოპყრობას განიცდიდნენ, სიცოცხლე თვითმკვლელობით დაამთავრა. “მე არ მინდოდა, რომ ჩემი შვილი შემდეგი ყოფილიყო"-ამბობს ქსანდერის დედა. “ბავშვთა დამცველებმა" დასახმარებლად ადგილობრივ ბაიკერებს მიმართეს და მეორე დღეს ქალაქი დიდებული სანახაობის მომსწრე გახდა. 200 პირქუში გარეგნობის, ტყავის შავ ქურთუკში გამოწყობილი ბაიკერი 10 წლის ბიჭუნას სკოლისკენ მიაცილებდა. სკოლასთან მისულებმა, ქსანდერს თავისი სიმბოლოიანი ტყავის ქურთუკი გადასცეს საჩუქრად და ყველას გამოუცხადეს, რომ ამიერიდან ქსანდერი მათი მფარველობის ქვეშ იმყოფებოდა. მართლაც, რთულია აწყენინო ბიჭს, რომელსაც გვერდით ასეთი მფარველები ყავს) 247 1-ს მოსწონს
|