საზოგადოება რომის მერიამ დედაქალაქის შადრევნები "ხელშეუხებლად" გამოაცხადა 2017, 13 ივნისი, 0:36 რომის მერმა ვირჯინია რაჯიმ ხელი მოაწერა განკარგულებას, რომლის მიხედვითაც გამკაცრდა უკვდავი ქალაქის ისტორიულ შადრევნებთან ქცევის წესები.
დოკუმენტის თანახმად იკრძალება ჭამა–სმა, გაწუწვა და ახლოს ჯდომა შდრევნებთან, რომლებიც არქიტექტორულ ძეგლებად ითვლება. დარღვევისათვის ჯარიმა 240 ევროა. ახალი წესები ძალაშია ზაფხულის სეზონზე – 31 ოქტომბრამდე. თანაც ახალი წესები მოქმედებს ძაღლებზეც, არ შეიძლება შადრევნებში მათი დაბანა. დაჯარიმდება აგრეთვე შადრევნებში ნებისმიერი საგნის ჩამგდები. გამონაკლისს წარმოადგენს მონეტების ჩაგდება. ამ ტრადიციის გამო რომის უდიდესმა შადრევანმა "ტრევიმ" 2016 წელს სარეკორდო თანხა – 1, 4 მილიონი ევრო მოაგროვა. თანხა მთლიანად ქველმოქმედებაზე დაიხარჯა. ზაფხულის ცხელ დღეებში რომის შადრევნები გაგრილებისა და გაწუწვის ადგილი იყო. შადრევნების უმრავლესობა XVI—XVIII საუკუნეებს განეკუთვნება. ბოლო წლებში, რომის ცენტრში, შადრევნებთან ვანდალიზმის ფაქტები გახშირდა. რამაც გამოიწვია მერიის ასეთი განკარგულების გამოცემა. 32 შეფასება არ არის
|