ტკბილეული შოკოლადის კვერცხი-სააღდგომო დესერტი 2017, 10 აპრილი, 18:56 მოამზადეთ ეს ადვილი და ორიგინალური ტკბილეული.თქვენი პატარები, და არამარტო პატარები, ნამდვილად აღფრთოვანებულნი დარჩებიან. დაგჭირდებათ: 300 გრ. რძიანი ან თეთრი შოკოლადი 250 გრ ათქვეფილი ნაღები ან არაჟანი 1 კვერცხი 2ს.კ შაქრის პუდრა 200გრ. ნიგოზი დაკონსერვებული გარგარი 4ც. გასაბერი ბუშტი ვიწყებთ “ნაჭუჭის " მომზადებით. მოათავსეთ შოკოლადი და ნაღები წყლის აბაზანაზე, ურიეთ სანამ შოკოლადი არ გადნება და ერთგვაროვან მასას არ მიიღებთ. გააგრილეთ 38 გრადუსამდე. გაბერეთ პატარა ბუშტები, გაწმინდეთ სველი სუფთა ტილოთი და ჩაუშვით შეგრილებულ შოკოლადის მასაში სანახევროდ, ფრთხილად ამოავლეთ, რომ ბუშტი არ გასკდეს. მოათავსეთ პატარა ლამბაქზე, რომელზეც წინასწარ ცოტა შოკოლადის მასას დაასხამთ. გააჩერეთ ოთახის ტემპერატურაზე ცოტა ხნით, შემდეგ კი შედგით მაცივარში. როცა შოკოლადი გამაგრდება, ბუშტი ნემსით დაჩუტეთ და ფრთხილად მოაცალეთ შოკოლადს.ნაჭუჭი მზადაა! ათქვიფეთ კვერცხის ცილა პუდრასთან ერთად, სანამ ღრუბელივით არ გახდება, ჩაამატეთ გატარებული ნიგოზი. “ცილაც" მზადაა. ამ მასით ამოავსეთ “ნაჭუჭი". კვერცხის გულის მაგივრად, “ცილაში" გარგარი ჩადეთ და დესერტიც მზადაა! ბეზეს მაგივრად, როგორც “ცილა", შეგიძლიათ გამოიყენოთ იოგურტი, არაჟანი, ტკბილი ხაჭო, პუდინგი ან მოხარშული კრემი. 82 შეფასება არ არის
|