ვის არ უყვარს ახლად მოხარშული ჭყინტი სიმინდის თავბრუდამხვევი არომატი! მაგრამ ბევრი სიმინდს უბრალოდ არასწორად ხარშავს. ყველაზე ხშირად სიმინდის ტაროებს უბრალოდ ვყრით მარილწყალში, ან მხოლოდ წყალში და ვხარშავთ... ამჯერად გაგანდობთ ერთ საინტერესო ხერხს, რომელიც დაგეხმარებათ მოხარშული სიმინდი ძალიან რბილი და გემრიელი გამოგივიდეთ. ამისათვის საკმარისია მომზადების დროს ქვაბში ორი უბრალო ინგრედიენტი დაამატოთ.

პირველ რიგში, საუკეთესო შედეგის მისაღებად, აუცილებელია აარჩიოთ ტკბილი ჯიშის სიმინდი, რომლის მარცლები ჯერ ისევ რძიანი იქნება.

მოხარშული ჭყინტი სიმინდის მოსამზადებლად დაგჭირდებათ:

5 სიმინდის ტარო;

1 ჩ.ჭ. რძე;

50 გ. კარაქი

მარილი

წყალი

მომზადება:

1. პირველი ნაბიჯი სრულიად სტანდარტულია: გატეხეთ შუაზე ტაროები და მოათავსეთ ქვაბში. დაასხით იმდენი წყალი, რომ მთლიანად დაფაროს სიმინდი, და დადგით ცეცხლზე.

2. როგორც კი წყალი ადუღდება, დაამატეთ რძე და კარაქი.

3. დაელოდეთ სანამ წყალი ისევ წამოდუღდება და ამის შემდეგ, ადუღეთ კიდევ 10-15 წუთი.

4. ამგვარი პროცედურის შემდეგ აღარ არის საჭირ სიმინდის საათობით ხარშვა. უგემრიელესი, ნოყიერი, ნაზი და რბილი ჭყინტი სიმინდი მზადაა.

5. სუფრაზე მიტანის წინ ტაროებს ოდნავ მოაყარეთ მარილი და... გემრიელად მიირთვით!