კუდიან ამფიბიათა ოჯახის ერთ-ერთი წარმომადგენელი არის ოლმი, რომელსაც ხალხში
პატარა დრაკონს ეძახიან. აქვთ წაგრძელებული სხეული, სუსტი კიდურები, გარეთა ლაყუჩები, კანქვეშ ჩამალული თვალები, უპიგმენტო კანი. ოჯახში 2 გვარია: ევროპული პროტეუსი (Proteus) და ამერიკული პროტეუსი (Necturus). ევროპული პროტეუსი მოიცავს მხოლდ ერთ სახეობას (Proteus anguinus), რომლის სხეულის სიგრძეა 28 სმ, წინა კიდურებზე 3 თითი აქვს, უკანაზე — 2. გავრცელებულია იუგოსლავიის კარსტულ მღვიმეებში, სინათლეს შეიგრძნობს მთელი კანით.

იკვებება უხერხემლოებით ცოცხლადმშობია. ამერიკული პროტეუსის გვარი მოიცავს 5 სახეობას, აქვს ძალზე პატარა თვალები, პიგმენტიანი კანი, 4-4 თითი ორსავე კიდურზე; ყველაზე მეტად ცნობილია Necturus maculosus, რომლის სიგრძეა 36 სმ, გავრცელებულია აშშ-ის აღმოსავლეთ ნაწილსა და სამხრეთ კანადაში. ცხოვრობს მტკნარ წყალსატევებში.

ოლმები მრავლდებიან კვერცხებით. 5-10 წელისადში ერთხელ იბადებიან და ისინი გადაშენების პირას მყოფ ცხოველებს შორის ითვლებიან. პროტეუსები, იგივე ოლმები მეცნიერების მტკიცებით, 100 წლამდე ცოცხლობენ. სლოვენიის ტურისტულ ადგილში, სადაც ეს ცხოველი უკვე წლებია ცოცხლობს, იანვრის თვეში შეინიშნა კვერცხები.

პატარა პროთეუსების გამოჩეკვის პროცესისთვის თვალის დევნა, მეცნიერების სახელით უძლიერესი მომენტია.

23 კვერცხიდან, პირველი 30 მაისს გამოიჩიკა, ხოლო მეორე გასული კვირის ოთხშაბათს ნელ-ნელა გამოძვრა კვერცხიდან!

პოსტოინას გამოქვაბულის დირექტორი - სასო ველდტი: "ეს არის ისტორიის პირველი სერია, მაგრამ ახალი სერიის დასაწყისი იქნება თუ როგორ შეძლებენ ისინი კვერცხიდან გამოსვლის შემდეგ დამოუკიდელად კვებას და ცხოვრებას"

სასო ველდტის თქმით, ჯერ-ჯერობით პროთეუსების გამოჩეკვის პროცესი არავის უნახავს, მაგრამ ინფრაწითელი კამერების საშუალებით, ამ მომენტების დაფიქსირება წარმატებით განხორციელდა!

ველდტი და მისი თანამშრომლები იმედოვნებენ, რომ დარჩენილი "პატარა დრაკონებიც" კვერცხებიდან წარმატებით გამოიჩეკებიან.

პოსტოინას გამოქვაბულში, ადგილობრივ მუშაკებს ეხმარებიან ამფიბიის პროფესიონალური მომვლელებიც.

უცნაური არსებები ხშირად გვხვდება ბალკანეთის ნახევარკუნძულის მიწიქვეშა წყლებში. საუკუნეების წინ ეს არსება წყალდიდობამ ქუჩაში გამორიყა, აქედან გამომდინარე ხალხში მათ "პატარა დრაკონებს" ეძახიან.

ბალკანებში ადამიანები დრაკონებისადმი საკმაოდ კეთილგანწყობილნი არიან. მათ სჯერავთ ამ ცხოველის არსებობის. თუმცა ყველამ ვიცით რომ ეს სიმართლეს არ შეესაბამება, რადგან ერთადერთი ცხოველი, რომელიც დრაკონებს ასე ძალიან ჰგავს, არის ერთ-ერთი ყველაზე მცირე ზომის ამფიბიის ოჯახის წევრი - პროთეუსი, მეორენაირად - ოლმი.

სტატიის ავტორი: ალექსი აბდიევი