სკანდალური იუნა შაფათავა კიდევ ერთხელ ცდილობს დაარღვიოს სტერეოტიპები და სოციალურ ქსელში აქვეყნებს ფოტოს, რომელიც სექსმარკეტისთვის აქვს გადაღებული:

"ადრე, სტუდენტობაში და მერეც, ჩაცმის და ქცევის სტილი ძალიან მაფიქრებდა. აღქმის ჩარჩოები დიდი ხნის წინ გავაქრე და ჟანგბადით ავავსე გონებაც და ცხოვრებაც. თეთრი ხელთათმანები, შავი ხელთათმანები, ჩულქი დამჭერებით, კორსეტები, ლენტები, აბრეშუმი და მკაცრი სისადავე, წითელი ტუჩსაცხი, ლაქის ჩანთები. მკაფიო ფერები, ზედმეტი მინარევების გარეშე. pin-up, ჩემი რომელიღაც წინა ცხოვრების ქალისგან გამომყვა, ან ბავშვობის ძველი ჰოლივუდის, ჩინეჩიტას, ჩარლი ჩაპლინის და მუნჯი კინოს ასოციაციებიდან გაიმიქსა და შექმნა ქალი, რომელსაც დღეს მეც ვერ ვცნობ. დღეს ზუსტად ვიცი, რომ საზოგადოებას რომელშიც ვცხოვრობ, არ აქვს სტილი. არ გვყავს style icon უკვე დიდი ხანია, არ გვყავს ეპოქის ქალი, ქალი სახე, ქალი დროის სუნთქვა და ძალიან ცუდი. ჩვენ მეტს ვიმსახურებთ, ვიდრე მხოლოდ ძვირი ბრენდების რეკლამას. ჩვენ ვიმსახურებთ ჩვენს unique სტილს. მერე რა, ყველას რომ არ მოვეწონებით. რა საჭიროა, მელიებზე ნადირობის არსი ესმოდეს ყველას. არ მოვკიდებ ხელს იმას, რისი გაკეთებაც არ მსიამოვნებს. გავაკეთებ იმას, რასაც ჩემი ყოფილი ცხოვრების შინაგანი ქალი მთხოვს და მკარნახობს. იმ გლამურულ ქალს ვენდობი თვალდახუჭული. აუცილებლად, შევქმნი იმ ქალს როცა არ უნდა იყოს, გამოვუშვებ. ქალი საკუთარი სტილის გარეშე უბრალოდ საკიდია. წარმატებები ჩემს პროექტს, მალე. lets close the eyes and enjoy the freedom of imagination -დავხუჭოთ თვალები, გავახილოთ და წარმოსახვაში შექმნილი ასოციაციებით ვისიამოვნოთ... ეს ფოტოები სექსმარკეტისთვის იყო გადაღებული. ბედნიერებაა, არ იყო სტერეოტიპების მონა და გქონდეს შემოქმედების თავისუფლება. მადლობა სექსმარკეტს ჩემი თვალის ახელისთვის სექს გართობის სფეროში, მადლობა ნინუცას ფოტოებისთვის და funtime-ს ჩემი სტილის შენარჩუნებისთვის -როგორც გარე სახის, ასევე სტატიებში. "