19 წლის ეგორ სოსინმა საკუთარი დედა გაგუდა ყაზანის სატუმრო «Корстон-ის ნომერში, როგორც მკვლელმა განაცხადა, დედამ დაალევინა მისთვის უცნობი ტაბლეტები, ამის შემდეგ მას ჰალუცინაციები დაეწყო.

12 დეკემბერს ღამის თორმეტ საათზე, სასტუმროს ადმინისტაციამ აცნობა პოლიციას იმის შესახებ, რომ მათი ერთ-ერთი მობინადრე არადეკვატურად და აგრესიულად იქცეოდა.ადგილზე მისულმა სამართალდამცავებმა სასტუმროს დერეფანში აღმოაჩინეს ნარკოტიკული ზემოქმედების ქვეშ მყოფი ახალგაზრდა ყმაწვილი.ხოლო ნომერში სადაც დებოშიორი ცხოვრობდა იპოვეს ქალის გვამი.

მიცვალებულს სხეულზე მრავლობითი სისხლჩაქცევები აღენიშნებოდა.სიკვდილი ასფიქსიის შედეგად დადგა.გამოძიების ვერსიით 44 წლის ქალი დამტენის კაბელით იქნა გაგუდული.

გარკვეული დროის გასვლის შემდეგ გონზე მოსულმა ეგორ სოსინმა გამოძიებას მოუთხრო, რომ მოსკოვიდან ყაზანში სამედიცინო ტრენინგებისთვის ჩამოვიდნენ, უცნაური სახელწოდებით "კავშირი კოსმოსთან", დედამ რაღაც უცნობი ტაბლეტები მისცა, რის შემდეგაც ჰალუცინაციები დაეწყო, მას არ ახსოვს თუ როგორ ცემა და გაგუდა საკუთარი დედა.

ეგორ სოსინი, მილიარდელის და ოლიგარქის, იგორ სოსინის შვილია, იგი მაღაზიების ქსელის«Старик Хоттабыч»-ის მფლობელია, აგრეთვე OBI GmbH & Co-ის აქციონერი.

ბიზნესმენი რამდენიმე წლის წინ გაეყარა აწ გარდაცვლილ ეგორის დედას ანასტასიას.ამჟამად მილიარდელი სხვა ქალზეა დაქორწინებული.