კომუნიკაციები სატელეკომუნიკაციო ბაზარზე ULTRA HD-ზე მოთხოვნა იზრდება 2015, 25 სექტემბერი, 10:47
აღსანიშნავია, რომ მომხმარებლების,
სამაუწყებლო კომპანიების და ზოგადად მთლიანი სამაუწყებლო ინდუსტრიის მხრიდან ხდება მნიშვნელოვანი ნაბიჯების გადადგმა და აქტიური კამპანიის წარმოება, რათა მოხდეს ULTRA HD-ის (იგივე 4K) მეტი პოპულარიზაცია და კიდევ უფრო დაჩქარდეს მისი დანერგვა ტელესაკომუნიკაციო სივრცეში.
პირველი ULTRA HD არხების გამოჩენა ეთერში, რომელიც წარმოადგენს ინოვაციურ ტექნოლოგიას და უზრუნველყოფს 4-ჯერ უფრო მეტი გაფართოების და მაღალი სიმკვეთრის გამოსახულებას, ნელ-ნელა ფეხს იკიდებს და მისი მოხმარების არეალი უფრო ფართოვდება, განსაკუთრებით კი ევროპის, ჩრდილოეთ ამერიკის და აზიის რეგიონებში.
კორპორატიულ მოხსენებაში „Ready, Steady, ULTRA HD“, სატელიტური ოპერატორი SES-ი აკეთებს დასკვნას, რომ 2015 წელი ULTRA HD-ის განვითარებისათვის რევოლუციური აღმოჩნდა, რაშიც კომპანიას დიდი წვლილი მიუძღვის. გაზრდილ მოთხოვნას ადასტურებს ის ფაქტებიც, რომ სულ უფრო და უფრო მეტი ULTRA HD/4K მხარდაჭერის მქონე ტელევიზორები იყიდება ტექნიკის მაღაზიებში, ხდება სხვადასხვა სახის საინტერესო კონტენტის პირდაპირი ეთერით გადაცემა, ბოლო ჰოლივუდის ფილმები გადაღებულია ამ ფორმატში და გრძელდება ULTRA HD Blu-Ray-ის ფორმატის მუდმივი განვითარება. 48 შეფასება არ არის
|