“გენკის” შემტევი ნახევარმცველი თორნიკე ოქრიაშვილი ბელგიის პრო ლიგის მორიგ ტურში, გათამაშების ერთ-ერთ ლიდერ “კორტრაიკთან” საშინაო მატჩს გამოტოვებს. ამის შესახებ ინტერნეტპორტალი hbvl.be იუწყება.
განვლი ტურში, “გენკი” სტუმრად “გენტს” დაუზავდა (0:0), 73-ე წუთზე შეცვლაზე შესულმა ოქრიაშვილმა კი, უხეშობის გამო, 84-ე წუთისთვის ორი ყვითელი ბარათი მიიღო და გააძევეს. შედეგად, საქართველოს ნაკრების წევრი ერთ მატჩს გამოტოვებს.
მომავალი მატჩი “გენკისთვის” პრინციპულია, რადგან მე-6 ადგილზე მყოფი ლიმბურგელები მეორეადგილოსან “კორტრაიკს” 2 ქულით ჩამორჩებიან.

ლაშა თაბაგარი

www.worldsport.ge