ამერიკული სადესანტო ხომალდი სან -დიეგო დაკავებულია მანამდე ფილიპინების საზღვა პორტ სუბიკ-ბეიში, სანამ არ გაირკვევა იმ მეზღვაურის ვინაობა, რომელმაც მოკლა ფილიპინელი ტრანსსექსუალი ქალი.




შემთხვევა გასულ უქმე დღებში მოხდა.მოწმეების განცხადებით, შაბათ ღამით თეთრკანიანმა 25-30 წლის მამაკაცმა ღამის კლუბ Olongapo-ში გაიცნო 26 წლის ფილიპინელი ტრანსსექსუალი ჯენიფერ ლაუდი, - მამაკაცი ქალად გადაკეთებული.

წყვილმა ბარი დატოვა, ხოლო 22:50 წუთზე უახლოეს ოტელში დარეგისტრირდნენ.
23:45 წუთზე სასტუმროს თანამშრომელმა ჯენიფერ ლაუდის გვამი სასტუმროს ნომერში აღმოაჩინა.
როგორც პოლიციამ განაცხადა, მსხვერპლს თავი უნიტაზზე ედო, წელზევით შიშველი იყო, ხოლო სხეულის ქვედა ნაწილზე ზეწარი ჰქონდა შემოხვეული.ექსპერტიზის ვარაუდით ტრანსსექსუალი გაგუდეს.

აშშ-ს საელჩომ სამძიმარი გამოუცხადა მანილაში დაღუპულის ოჯახს და განაცხადა, რომ "აშშ-ს ხელისუფლება გააგრძელებს თანამშრომლებას ფილიპინელ სამართლადამცავებთან გამოძიების ყოველ ასპექტში".