საინტერესო ფაქტი მოხდა ეკვადორის ჩემპიონატში: "ლიგა დე ლოხა"-"მანტას" შეხვედრა 17 წუთის დაგვიანებით დაიწყო და გულშემატკივრები ვერ მიხვდნენ, რა იყო ამის მიზეზი. ისინი, ვინც მატჩს ტელევიზორით უყურებდნენ, უცნაური კადრის მოწმენი გახდნენ – მსაჯი ხოსე ლუის ესპინელი გასახდელში ფულს ართმევდა "ლიგა დე ლოხას" ერთ-ერთ ხელმძღვანელს და თან ითვლიდა.
"ლიგა დე ლოხამ" 2:0 მოიგო და გულშემატკივრებმა მსაჯს შეუტიეს, მოსყიდული იყავიო.
მოგვიანებით გაირკვა, რომ ეს ქრთამი არ ყოფილა. უბრალოდ, მასპინძელ მხარეს რეგლამენტის მიხედვით მსაჯისთვის უნდა გაესტუმრებინა მომსახურების თანხა და დროულად ვერ მოახერხეს. მსაჯმა კი პრინციპულობა გამოიჩინა – ჯერ გადაიხადეთ და ისე დავიწყებ მატჩსო.
http://www.youtube.com/watch?v=Fs2406hdHW8

ილია კახელიშვილი

www.worldsport.ge