ფაქტობრივად გადაწყვეტილია, რომ იტალიური “ვერონა” გიორგი ჭანტურიას რუმინულ “კლუჟში” გაანათხოვრებს. ამის შესახებ იტალიური გამოცემა La Gazetta dello Sport-ი იუწყება.
ამ უკანასკნელის ინფორმაციით, ახალგაზრდა ქართველ შემტევ ნახევარმცველს “კლუჟში” უფრო მეტი სათამაშო პრაქტიკა ექნება, რის გარანტიასაც ამჟამად “ვერონა” ვერ აძლევს.
ჭანტურია იტალიის სერია A-ს კლუბ “ვერონაში” ზაფხულში სწორედ “კლუჟიდან” გადავიდა, მაგრამ 21 წლის ქართველი განაცხადში არ შეუყვანიათ. ამის მიზეზი არაევროკავშირელ ფეხბურთელებზე იტალიაში არსებული ლიმიტია.

ლაშა თაბაგარი

www.worldsport.ge