წუხელ ეკვადორში გაიმართა "მისის მსოფლიო"–2014-ის სილამაზის კონკურსი. მსოფლიოს 40 ქვეყნის ულამაზესი გათხოვილი ქალი იბრძოდა მთავარი პრიზის მოპოვებისთვის.

გამარჯვებული გახდა 29 წლის რუსი ქალბატონი, სამი შვილის დედა იულია იონინა.

იულია იონინა სანკტ-პეტერბურგიდანაა, ხელმძღვანელობს საქველმოქმედო ფონდს "სილამაზე და ქველმოქმედება", ამასთანავე დაკავებულია სამეწარმეო საქმიანობით და იღებს მეორე უმაღლეს განათლებას იურისპრუდენციის განხრით.

აქამდე ახალგაზრდა ქალი ფლობდა ტიტულებს:"მისის სანტკ-პეტერბურგი-2012", "მისის ბალტია"-2013 და "მისის რუსეთი International "-2013 ჩრდილო-დასავლეთი.

კონკურსი "მისის მსოფლიო" 1985 წლიდან იმართება, აღსანიშნავია, რომ იულია უკვე მესამე რუსი კონკურსატია, რომელიც გამარჯვებული გახდა.