კლაუდიო რანიერი "მონაკოსგან" კომპენსაციის სახით 4.5 მილიონ ევროს მიიღებს. მოგეხსენებათ, ფრანგები იტალიელი სპეციალისტის მოღვაწეობით უკმაყოფილონი იყვნენ და რანიერის კლუბი ვადაზე ადრე დაატოვებინეს. შესაბამისად, "მონაკომ" ცნობილ მწვრთნელს სოლიდურ თანხას გადაუხდის.
შეგახსენებთ, რომ რანიერი ფრანგულ გრანდს ორი წლის განმავლობაში წვრთნიდა და კლუბი ლიგა ერთში გადაიყვანა, სადაც მეორე ადგილი დააკავებინა. იტალიელი სპეციალისტი ლეონარდუ ჟარდიმმა შეცვალა.
ბოლო დროს გავრცელებული ინფორმაციის თანახმად, კლაუდიო რანიერი საბერძნეთის ნაკრებს ჩაიბარებს.

გიორგი ბალახაძე

www.worldsport.ge