ტკბილეული ქლიავის ჩირი შოკოლადში: ნუგბარი, რომელიც არასოდეს დაგავიწყდებათ! 2014, 22 ივნისი, 13:48 შავქლიავისა და შოკოლადის ერთობლიობა დიდი ხანია გამოიყენება კულინარიაში, როგორც ტკბილი და მომჟავო არომატის იდეალური ტანდემი. ამ უგემრიელესი კანფეტების მომზადება ძალიან მარტივია. საჭიროა მხოლოდ: შავი შოკოლადი - 200 გ. შავქლიავის ჩირი - 350 გ. კონიაკი - 50 მლ. ნიგოზი ჩირს გადავავლოთ თბილი წყალი და გავამშრალოთ ტილოთი. მოვათავსოთ ჯამში და მოვასხათ კონიაკი. დავტოვოთ ორი საათით. ამის შემდეგ თითოეულ ჩირში ჩავდოთ შესაბამისი ზომის ნიგოზი. გავალღოთ შოკოლადი ორთქლის აბაზანაზე ერთგვაროვანი მასის მიღებამდე. ამოვავლოთ მასში ჩირი. მიღებული კანფეტები დავაწყოთ სილიკონის ფორმაზე ან ცხიმწასმულ ლანგარზე. შედოთ მაცივარში და დავაცადოთ სანამ შოკოლადი არ გამაგრდება. მზა კანფეტები მოვათავსოთ თავსახურიან ჭურჭელში და შევინახოთ მაცივარში (თუმცა, დარწმუნებული არ ვარ, რომ შესანახი რამე დარჩება). 411 3-ს მოსწონს
|