ვარსკვლავ-ქალბატონებს ყოველთვის აქვთ მიზეზი ექსპერიმენტები ჩაატარონ საკუთარ ვარცხნილობაზე: პრემიერები, წვეულებები, მიღებები.. მათი სტილისტების ფანტაზიასაც საზღვარი არ აქვს, ისინი იყენებენ ახალ მეთოდებს, რათა შექმნან ცნობილების განწყობის შესაბამისი იერსახე. გთავაზობთ ვარსკვლავების საღამოს ვარცხნილობის ნიმუშებს, რომლებიც გამოგადგებათ სკოლის გამოსაშვებ საღამოზე ან ქორწილში თავის მოსაწონებლად.

ქალბატონებს, რომელთაც არ უყვართ რთული ვარცხნილობები სტილისტები სთავაზობენ მსუბუქ ტალღებს გაშლილ თმებზე ან

თმის შეკვრას გრანჟის სტილში.

გაითვალისწინეთ, რომ დაუდევარ ვარცხნილობას უნდა შეუხამოთ დახვეწილი სამოსი, მაკიაჟში გააკეთეთ გამოკვეთილი აქცენტები.

თუ კლასიკური სამოსი გაქვთ შერჩეული, უპირატესობა მიანიჭეთ რეტრო-ტალღებს, გლამურულ ჰოლივუდურ კულულებს ან კრეატიულ ვარიანტებს მოკლე თმის შემთხვევაში. გრძელი და საშუალო სიგრძის თმა დაახვიეთ შუა სიგრძიდან ქვევით მიმართულებით.

რომანტიკული გარეგნობის შექმნაში დაგეხმარებათ თმის

ყვავილებიანი აქსესუარები, რომელიც წელსაც მეტად მოდურია.

ასეთი ვარცხნილობის შექმნას დიდი ძალისხმევა არ სჭირდება-

თმები ოდნავ აიჩეჩეთ და დაიმაგრეთ თმის სამაგრით.

დაწნული თმები წვრილი რეზინებით დაამაგრეთ და ამგვარად ვარცხნილობას რელიეფურობას და მოცულობას შესძენთ. თმა ნაკლებად გლუვი რომ არ იყოს, წინასწარ შეიფრქვიეთ მასზე

მშრალი შამპუნი.