საინფორმაციო სააგენტო ინტერფაქსის ცნობით, რუსეთის ლიბერალ-დემოკრატიული პარტიის ლიდერმა, ვლადიმირ ჟირინოვსკიმ განაცხადა, რომ ყველანაირად ეცდება მიაღწიოს მაკდონალდსის რესტორნების დახურვას რუსეთის მთელ ტერიტორიაზე.

"მაკდონალდსმა დახურა რესტორნები ყირიმში. ძალიან კარგი. კარგი იქნება თუ რუსეთშიც დახურავს ყველა რესტორანს. ლიბერალ-დემოკრატიული პარტიის საქალაქო ორგანიზაციებს ვუბრძანებ, მაკდონალდსების პიკეტირება მოაწყონ." - აცხადებს ჟირინოვსკი.

პარლამენტარმა ასევე განაცხადა, რომ აუცილებლად მიაღწევს მაკდონალდსის ქსელის სრულ დახურვას რუსეთის მთელ ტერიტორიაზე: "მოშორდნენ აქედან. შემდეგ კი პეპსი-კოლასაც მივხედავთ."

შეგახსენებთ, რომ ჟირინოვსკიმ ეს განცხადება გააკეთა მას შემდეგ, რაც მაკდონალდსმა თავისი რესტორნები დახურა ყირიმში.