არქიტექტურა ულტრათანამედროვე გადასასვლელი ხიდი შანხაიში 2014, 5 მარტი, 10:21 შანხაი-ჩინეთის უდიდესი ქალაქია. იქ მოხვედრა ბევრი ტურისტის ოცნებაა. თანამედროვე არქიტექტურული მიღწევების და გაბედული დიზაინერული გადაწყვეტების შეხამება ქალაქის საოცარ იერსახეს ქმნის. ამ ცოტა ხნის წინ აქ გახსნილი მრგვალი ფეხითმოსიარულეთა გადასასვლელი შანხაის ახალი არქიტექტურული ღირსშესანიშნაობა გახდა.
ეს ხიდი თავისი არაორდინარული ფორმის წყალობით ძალიან ფუნქციონარულია. ის აშენდა იმისათვის, რომ განტვირთოს ქალაქის ცენტრში მდებარე ფეხითმოსიარულეთა გადასასვლელები.
ამ გადასასვლელის ამუშავებით ადგილობრივ მოსახლეობას და ქალაქის სტუმრებს მიეცათ შესაძლებლობა სწრაფად და იოლად მიაღწიონ მოედნის ცენტრს, რადგან აქ განლაგებულია უამრავი მნიშვნელოვანი ობიექტი: შანხაის საფონდი ბირჟა, ბევრი კაფე, ბიზნეს-ცენტრები და მაღაზიები.
უამრავი ესკალატორი უზრუნველყოფს ხალხის დიდი ნაკადის სწრაფ გადაადგილებას. ხიდი იმდენად ფართეა, რომ მასზე გვერდიგვერდ 15 კაცის გავლაა შესაძლებელი. გადასასვლელი ხიდი განსაკუთრებით ლამაზია შანხაის ცათამბჯენების სახურავებიდან, განსაკუთრებით "Pearl of Asia"-ის ტელეანძიდან. ზემოდან კარგად ჩანს, თუ როგორი სიზუსტით და დახვეწილადაა შესრულებული ნაგებობის თითოეული დეტალი. თითოეული ესტაკადის, ხიდის, გვირაბის განათება არაჩვეულებრივადაა შესრულებული. სწორედ ასეთი ნიუანსები ქმნიან განუმეორებელ დახვეწილ სტილს. ხიდზე საღამოთი სეირნობისას შესაძლებლია უსასრულოდ დატკბეთ მეგაპოლისის ღამის ცხოვრებით და მშვენივრად განათებული ულამაზესი შენობებით. საოცარია, მაგრამ ფაქტია, რომ ხიდზე დღისითაც და და ღამითაც თითქმის ერთნაირი რაოდენობის ხალხის ნაკადია. ყველა ახლომდებარე შენობა სავსეა უამრავი ოფისით, რომლებიც გვიან ღამემდე, ზოგი კი ოცდაოთხსააათიან რეჟიმში მუშაობს. ამ ფოტოზე Apple Shanghai -ის ოფიციალური მაღაზიაა. ნახეთ, როგორი დიზაინი აქვს მის შესასვლელს. თავად მაღაზია მიწისქვეშ მდებარეობს და იქ მოხვედრა შესაძლებელია გამჭვირვალე კონუსის ცენტრში მდებარე მინის საფეხურებით. ეს კი "Pearl of Asia"-ის ტელეანძაა- ერთ-ერთი ყველაზე მაღალი ანძა მთელ მსოფლიოში. 137 14-ს მოსწონს
|