ბრიტანულმა საიტმა უკრაინის ყოფილი პრეზიდენტის ვიქტორ იანუკოვიჩის მეჟიგორეს ელიტური სასახლის ფოტოები გამოაქვეყნა.გაქცეულმა ვიქტორ იანუკოვიჩმა, რომელიც ამჟამად თავს აფარებს მოსკოვს და თავისი "ბრიყვული იდეებით" სამშობლოში დაბრუნების იმედით ცოცხლობს, გააკვირვა მსოფლიო წლების მანძილზე დაგროვილი მილიონიანი თუ მილიარდიანი ქონებით და ოქროს ლეოპარდებითა და ოქროს პურებით.

უცხოური პრესა იანუკოვიჩის მდიდრულ ქონებას "ვულგარულ" და უგემოვნო ფუფუნებად აფასებს და ამიერიდან პრეზიდენტის სასახლეს მხოლოდ ტურისტული დატვირთვა ექნება.

მოგეხსენებათ, ამჟამად უკრაინაში და კერძოდ ყირიმის ოლქში ვითარება დაძაბულია და მოსკოვს თავშეფარებული იანუკოვიჩი რუსეთის პრეზიდენტ ვლადიმერ პუტინთან ერთად უკრაინის ყველაზე ლამაზ მხარეს აკონტროლებს.პრეზიდენტის მოვალეობის შემსრულებლის ალექსანდრე ტურჩინოვის განცხადებით: -" ჩვენ ვიმყოფებით უბედურების ზღვარზე, რუსეთი პირდაპირ სამხედრო აგრესიას ახორციელებს ჩვენი ქვეყნის წინააღმდეგ და პასუხისმგებლობა რუსეთის ხელმძღვანელობას ეკისრება".
ფოტოზე უკრაინის გაქცეული პრეზიდენტის ვიქტორ იანუკოვიჩის საძინებელია, რომელსაც უცხოელები ხუთ ვარსკვლავიანი სასტუმროს "ლუქს" ოთახებს ადარებენ.

და ეს ეკუთვნის იმ ქვეყნის პრეზიდენტს, სადაც მოსახლეობის საშუალო შემოსავალი თვეში მხოლოდ 300 ევროა.