ზიონა ჩანა ჩრდილო - აღმოსავლეთ ინდოეთში მიზორამის სტატის პატარა სოფელ ბაკტვანგში ცხოვრობს თავის 39 ცოლთან, 94 შვილთან და 33 შვილიშვილთან ერთად.მას საკუთარი ოთხსართულიანი სახლი აქვს, სადაც საწოლ ოთახებში ის ცოლები ნაწილდებიან, რომლებსაც კონკრეტულ ღამეს ქმართან ყოფნა უწევთ.ოჯახი მთლიანად 181 წევრისგან შედგება და თავად ბატონი ზიონა ბედნიერია, რომ ამხელა ოჯახის თავკაცია: -"მე ღმერთის განსაკუთრებულ შვილად ვგრძნობ თავს.მან ხომ ამდენი ადამიანი მომაბარა საზრუნავად.ბედნიერი ვარ, რადგან 39 ქალის ქმარი და უდიდესი ოჯახის თავი ვარ" აცხადებს ზიონა.მის ოჯახს საკუთარი სკოლა, სათამაშო მოედანი, სადურგლო სახელოსნო, საღორე აქვთ და აურაცხელი რაოდენობის ფრინველი ჰყავთ.მარტო ერთი ვახშმის მოსამზადებლად ოჯახს 30 ქათამი სჭირდება.ყოველდღიურად ისინი 60 კგ.კარტოფილს და 100 კგ.ბრინჯს მოიხმარენ.

ოჯახში მკაცრი დისციპლინაა.ზიონას ყველაზე უფროსი ცოლი, რომელიც 70 წლისაა, დანარჩენ ცოლებს მეთაურობს და ანაწილებს მათ სხვადასხვა საქმეებზე, ზოგი ასუფთავებს, ზოგი რეცხავს და ზოგიც სამზარეულოში საქმიანობს.სახლი 100 ოთახისაგან შედგება.

ამ მრავალრიცხოვანი ოჯახის გარდა ჩანას სხვა საზრუნავიც აქვს, იგი ერთ - ერთი სექტის მეთაურია, რომლის წევრებსაც იმდენი ცოლის მოყვანა შეუძლიათ, რამდენიც მოესურვებათ.ზოგჯერ ზიონა ერთ წელიწადში 10 ქალზედაც კი ქორწინდებოდა.

მიუხედავად იმისა, რომ ის უკვე 70 წელს გადაცილებულია, ახალი ცოლების ძებნას კიდევ აგრძელებს და ამჯერად სექტის გასაფართოებლად ამერიკაში მყოფმაც, ადვილი შესაძლებელია კიდევ ერთხელ და არა უკანასკნელად იპოვოს თავისი გულის სწორი.