ქართველმა კალათბურთელმა ზაზა ფაჩულიამ მიმდინარე სეზონის მორიგი პირადი რეკორდი დაამყარა. "ატლანტა ჰოუქსის" ქართველმა ცენტრმა "კლივლენდ კავალიერზთან" 103:102 მოგებულ თამაშში თითქმის48 წუთი დაჰყო მოედანზე, რაც მისთვის სარეკორდო მაჩვენებელია. "ატლანტამ" კი მინიმალური სხვაობით მოუგო მეტოქეს დამატებით დროში.

ფაჩულიამ 47 წუთი და 52 წამი ითამაშა და ორნახევარი წუთით გააუმჯობესა სეზონური რეკორდი. ამ კომპონენტში მისი საშუალო მაჩვენებელია 27, 4 წუთი, რაც საუკეთესო შედეგი იყო აქამდე. რაც შეეხება სხვა სტატისტიკურ მონაცემებს, "კლივლენდთან" თამაშში ფაჩულიამ 14 ქულა, 7 მოხსნა, 2 ჩაჭრა, 1 პასი და 1 დაფარება მოაგროვა.