რა ადამიანი უნდა იყო, რომ შინმოუსვლელების მემორიალის თავზე ფეხებით შემდგარმა გადაიღო სურათი!
საზოგადოების მართალია მცირე ნაწილი, მაგრამ მაინც საზოგადოების წევრები სოციალურ ქსელებში დებენ სურათებს, სადაც მემორიალური დაფების, ძეგლების ან ქანდაკებების შეურაცმყოფელ ფორმებშია გადაღებული. რა მოტივი ამოძრავებს ამ ახალგაზრდებს ვფიქრობ და მაინც ვერ ვხვდები. ადამიანი რომელიც არ სცემს პატივს საკუთარ წარსულს ვერ შეჰქმნის ნაყოფიერ და კეთილ მომავალს.
როგორ უნდა მოგივიდეს თავში აზრად, რომ უცნობი ჯარისკაცის საფლავზე "შემომჯდარმა" გადაიღო სურათი ან შენი ქვეყნისათვის დაღუპული მეომრის საპატივცემლოდ გაკეთებულ ქანდაკებას "შემოაჯდე" კისერზე. პარკური მემორიალის მოედანზე კი ჩემი აზრით ამაზრზენიც კია. გთავაზობთ სურათების ნაკრებს სტატიიდან გამომდინარე, სადაც თავად დარწმუნდებით საზოგადოების ნაწილი სად და როგორი ფორმით იღებს სურათებს.