მოდის სახლმა "Chloe"-მ სულ ახლახანს გვამცნო თავისი ახალი, 2013-2014 წლის შემოდგომა-ზამთრის კოლექციის შესახებ. გასულ წლებში თუ ხაზი ჰქონდა გასმული უფრო ქალურ და ელეგანტურ სტილს, რასაც ყველას პარამეტრები სამწუხაროდ ვერ მოერგო, "Chloe"-მ სტილი ახლა დიდი სიფრთხილით შეარჩია, რომ ასევე წარმატებულ კოლექციათა სიაში მოხვედრილიყო.

"Chloe"-ს დიზაინერთა განმარტებით ფერებს უნდა მივაქციოთ დიდი ყურადღება. მათი გადაწყვეტილებით წელს დომინირებს ნაცრისფერი, ლურჯი, ცისფერი, შავი და თეთრი ფერები. ამასთან ერთად კი მანდილოსნებო გიხაროდეთ, თავისუფალი სტილია მოდაში და თამამად შეგიძლიათ მოირგოთ ნებისმიერი "Chloe"-ს მიერ შემოთავაზებული ქურთუკი, ჟაკეტი, მუხლამდე ქვედაბოლო თუ შარვალი იქნება ეს. აქცენტი რაღა თქმა უნდა ფეხსაცმელსაც გაუკეთეს და წელს რეკომენდაციას გვაძლევენ ყავისფერ, თეთრ და შავი ფერის ძირიან და ასევე კოჭამდე თასმებიან ფეხსაცმელზე.

ახლა კი წარმოგიდგენთ "Chloe"-ს კოლექციას.