ქართველი მსახიობი შორენა ბეგაშვილი მუდამ ყურადღების ცენტრშია, მის გარშემო სკანდალები არ ცხრება. მსახიობს ბევრი მეხოტბე და გულშემატკივარი ჰყავს, თუმცა ლანძღვასაც არ აკლებენ. ერთ-ერთმა ქალბატონმა შორენას თამამად შეუტია: "რაა ხალხო შესაშური? რა მაგალითს აძლევს შვილს? ევაც ეგრე უნდა გაშიშვლდეს და სექსსიმბოლო დაიქვას. (შეგახსენებთ, რომ შორენა ბეგაშვილს პირველი უიღბლო ქორწინებიდან ერთი ქალიშვილი ჰყავს, ევა.)

და გაგიქრეთ თავი ეგ სექსსიმბოლო არ იყოს. კი უშნო გოგო არაა, მაგრამ არც ისეთი ლამაზია... სირცხვილია საქართველოს უკეთესი სილამაზის არავინ ჰყავს? სილიკონით და გასწორებული ცხვირით ყველა მაგარია. ისე ეგ დამუსკულებული ფეხებიც შეუსწორონ". ეს ყველაფერი როდია, მან ისიც დასძინა, რომ მსახიობმა ცეკვაც არ იცის და პლასტიკაც არ უვარგა.

შორენა ბეგაშვილი კრიტიკას და ლანძღვას მშვიდად შეხვდა, მეტიც ეს კომენტარები "ფეისბუქის" საკუთარ გვერდზეც გამოაქვეყნა წარწერით: "ჩემი ლანძღვა მოდაშია". შორენას გამკრიტიკებლის მოგერიება არ დასჭირვებია, ამას მისმა "სოციალური ქსელის მეგობრებმაც" კარგად გაართვეს თავი, შეშფოთება გამოხატეს მსახიობის შეურაცხყოფის გამო და თბილი სიტყვებითააც გაამხნევეს იგი.

შორენას გარშემო სკანდალები არ ცხრება. სულ ცოტა ხნის წინ გავრცელებული ხმების თანახმად მას სახლში შეყვარებულის ცოლი მიუვარდა, ფიზიკური და სიტყვიერი შეურაცხყოფაც მიაყენა, მანქანის უკანა საქარე მინაც ჩაუმტვრია. ბევრს საუბრობდნენ მსახიობის ორსულობაზეც, რაც შორენამ უარყო.