თითქმის 170 ათასმა ადამიანმა გამოთქვა სურვილი გადასახლდეს მარსზე. პროექტს ახორციელებს ჰოლანდიური კომპანია "Mars One".განაცხადი მარსზე ცხოვრებაზე უკვე შეიტანა თითქმის 170 000 ადამიანმა მსოფლიოს 140 ქვეყნიდან, მათ ამისთვის გადაიხადეს 5-იდან 75 დოლარამდე თანხა.კომპანიის დამაარსებელმა ბას ლანსდორპმა განაცხადა, რომ მარსზე "ახალ ერი" ჩამოყალიბდება და იქ მილიონამდე ადამიანი იცხოვრებს.პირველი 6 ჯგუფი 2015 წელს ჩამოყალიბდება, თითოეულ ჯგუფში 4 ადამიანი იქნება შესული, შემდეგ დაიწყება მათი 7 წლიანი მომზადება პლანეტარული მისიისთვის.თავიდან მარსზე გაუშვებენ რობოტებს, რომლებიც წითელ პლანეტაზე ააშენებენ საცხოვრებელს და მოაწყობენ ინფრასტრუქტურას.2022 წელს გაემგზავრება პირველი კოსმოსური ხომალდი, რომელიც პირველ დედამიწის მაცხოვრებლებს გადაიყვანს მარსზე, 4 კაციან ჯგუფში 2 ქალი და 2 მამაკაცი იქნება, ხომალდი ადგილზე 2023 წელს ჩაფრინდება.შემდეგ ყოველ 2 წელიწადში ახალი კოლონისტები მიემატებიან, ოფიციალური ენა ინგლისური იქნება.კომპანია Mars One რესურსების მოძიებას სპონსორების და მოსახლეობიდან აკრეფილი თანხით აპირებს, სულ პროექტი 6 მილიარდი$ დაჯდება.