კვირა საღამოს, ნიუ იორკში, MTV Video Music Awards 2013–ის დაჯილდოვება ჩატარდა. წლის საუკეთესო ვიდეო ამერიკელი მომღერლის ჯასტინ ტიმბერლეიქის კლიპი "Mirrors" გახდა. ნომინაციაში "საუკეთესო რეჟისურა" რეპერ Jay-Z -ის და ჯასტინ ტიმბერლეიქის ერთობლივმა ნამუშევარმა –"Suit &
Tie" გაიმარჯვა."ქალის საუკეთესო ვიდეოსთვის" ტეილორ სვიფტმა ("I Knew You Were Trouble") მიიღო. გამარჯვება ნომინაციაში - "მამაკაცის საუკეთესო ვიდეო" ბრუნო მარსმა ("Locked Out of Heaven") მოიპოვა.

"საუკეთესო პოპ-ვიდეოდ" სელენა გომესის კომპოზიცია "Come and Get It" აღიარეს.

ჰიპ-ჰოპის შემსრულებელთა შორის საუკეთესო ჰაგერტის და რაიან ლუისის დუეტი ("Can't Hold Us") გახდა. წელს საუკეთესო როკ-ვიდეო ჯგუფმა Thirty Seconds To Mars-მა გადაიღო.

ჯასტინ ტიმბერლეიქის ჯილდოები ამით არ ამოწურულა, სწორედ ის გახდა თანამედროვე მუსიკალური ვიდეოების განვითარებისთვის მაიკლ ჯექსონის სახელობის სპეციალური ჯილდო "Video Vanguard"-ის პრიზიორი.