მაკიაჟი და ვარცხნილობა მოდური ტენდენცია-დროებითი სვირინგები 2013, 16 ივლისი, 17:14 ბოლო წლებში დროებითი სვირინგები პოპულარულ მოდურ ტენდენციად გადაიქცა.
ყველა ადამიანი ვერ ბედავს სხეული მუდმივი წარწერით ან ნახატით დაამშვენოს, რამდენიმე დღიანი ან კვირიანი სვირინგით შეიძლება ექსპერიმენტის თამამად ჩატარება.
აჟიოტაჟი კი 2010 წელს Chanel-ის მოდის სახლის საგაზაფხულო კოლექციის ჩვენებიდან დაიწყო. თავდაპირველად Chanel არ აპირებდა სვირინგების გამოშვებას, მაგრამ პოდიუმზე წარმოდგენილმა ნიმუშებმა ნამდვილი ფურორი მოახდინეს, რის შემდეგაც მოდურმა სახლმა გამოუშვა დროებითი სვირინგების ხაზი სახელწოდებით "მხედველობის მოტყუება"-Trompe L’Oeil de Chanel. დახვეწილი ჯაჭვები, იმიტირებული სამაჯურები კეფასა და ფეხებზე და გადასაყვანი-მერცხლები იმ ადამიანებსაც მოეწონათ, ვინც სიფრთხილით ეკიდება "ბოდიარტის" გამოჩენას. ამის შემდეგ უკვე ბიონსემ დაიწყო სვირინგების გამოშვება და მისი კოლექცია უკვე 24-ზე მეტ სხვადასხვა ნახატს მოიცავს- ორნამენტებს, ჯაჭვებს, ყვავილებს და ობობას ქსელს. Dior-ის მოდის სახლი უფრო შორს წავიდა და შექმნა luxury-სვირინგების კოლექცია Grand Bal ოქროსგან. თანამედროვე გადასაყვანი სვირინგები სწრაფად და ადვილად გადადის სხეულზე. მისი გამოყენება შეიძლება სხეულის სხვადასხვა ნაწილების მოსართავად, თუმცა ყველაზე ეფექტური ქალბატონების ფეხებზეა. ყვავილოვანი მოტივები, საკურას ტოტები, ჯაჭვები და მარგალიტის ძაფები ჰორიზონტალურად დაიტანეთ და მოახდინეთ სამაჯურის იმიტაცია, ამგვარად ხაზს გაუსვამთ მოხდენილ ფეხებს და ძალიან გამხდარ თეძოებს ცოტა სისავსეს მიანიჭებთ. ჰორიზონტალური ორნამენტები კი გარეგნულად აგრძელებს ფეხებს და შესანიშნავად ერწყმის კოქტეილის სამოსს ნაზ, პასტელურ ფერებში. გადასაყვანმა-სვირინგებმა შეიძლება შეცვალოს თვალის ფანქარი და დაეხმაროს ქალბატონებს, რომლებიც არ ფლობენ სრულყოფილი მაკიაჟის ხელოვნებას-სრულიად ადვილად შექმნით სხვადასხვა სისქის იდეალურ გრაფიკულ ისრებს, გადაიტანთ წარწერებს ან ცხოველების ნახატებს. ასევე მეტად პოპულარულია აეროგრაფიული სვირინგი-ე.წ "აეროტატუ" - ტრაფარეტის მეშვეობით სხეულზე ეფრქვევა არატოქსიური საღებავი, მიღებული ნახატი 2 დღიდან ერთ კვირამდე ძლებს. აეროგრაფია მსახიობების გრიმიორებმა მოიგონეს უფრო ჩვეულებრივი სვირინგების ზუსტი ანალოგების ძიებაში, მიღებული ნახატი გადასაყვანის იდენტურია და ადვილად ჩამოირეცხება, ამგვარად კინოგრიმიორებმა დაზოგეს დრო და შექმნეს საჭირო ეფექტი კადრში. ამ მეთოდის ნაკლი ნახატის წყლის, ოფლის მიმართ ნაკლები მდგრადობაა. Tattly-ის დიზაინერული სვირინგების კოლექცია ბრენდმა Swarovski-მ ქალბატონებს მოდური სიახლე-ბროლის სვირინგები შესთავაზა-ნახატი იქმნება საფირმო კრისტალებისგან, რომელიც სხეულზე სპეციალური მასალით ეწებება. გამოსახულება ნარჩუნდება ოთხ კვირამდე. დატანის სირთულე თავად სვირინგის ნახატზეა დამოკიდებული, ამიტომ კრისტალური სვირინგები მარტივ ფორმას ან სიმბოლოებს წარმოადგენს. Crystal-Body-Tattoos-by-Swarovski 144 2-ს მოსწონს
|