კონფედერაციის თასის გათამაშების შემდეგ გამარჯვებული ბრაზილიელი ფეხბურთელები მოგებულ ტიტულთან ერთად გასახდელ ოთახში ფოტოაპარატის წინ პოზირებდნენ."სელესაოს" თავდამსხმელმა ჰალკმა საკუთარი "ინსტაგრამის" გვერდზე ერთ -ერთი ფოტოც კი ატვირთა, სადაც ბრაზილიის ნაკრების გოლკიპერი დიეგო კავალიერი საცვლის გარეშე ზის პირსახოცშემოხვეული.

მართალია ჰალკმა ფოტო მალევე წაშალა, მაგრამ საიტის მომხმარებლებმა სოციალურ ქსელში აღნიშნული ფოტოს გავრცელება მაინც მოახერხეს, რაც მალევე მოედო ბრაზილიას და დედიშობილა კავალიერის ფოტო მთავარი სალაპარაკო თემა გახდა .

ავანტიურისტმა ჟურნალისტებმა პროვოკაციაზე წამოაგეს მეკარის მოდელი მეუღლე დანიელა კარვალიო და სახლში მიაკითხეს.მეუღლეზე გაბრაზებულმა ქალბატონმა არც აცია და არც აცხელა და იმის მაგივრად, რომ კითხვებისთვის თავი აერიდებინა, ანალოგიურ პოზაში ფოტოსესია მოაწყო.

როგორც სარწმუნო წყაროები იტყობინებიან, კავალიერის ჟურნალ " პაპარაცოში" გამოქვეყნებული მეუღლის პიკანტური ფოტოები არ ესიამოვნა და სახლში უსიამოვნო და დაძაბული სიტუაცია შეიქმნა.იმავე წყაროებზე დაყრდნობით, გავრცელდა ინფორმაცია წყვილის ერთმანეთთან დაშორების შესახებ, თუმცა თავად დანიელა ამ ფაქტს არ ადასტურებს.

ფოტოები კი გახმაურებული და საკმაოდ თამამი მოდელის დანიელა კარვალიოს ფოტოსესიას ეკუთვნის, სადაც მოდელმა მეუღლეზე შურისძიების მიზნით ფეხბურთის თამაშის დროს მეკარის მთავარი საზრუნავის - " კარების ბადეც კი გამოიყენა", რომელიც სწორედ მეუღლეზე გაბრაზებულმა მოაწყო.