ნინა სუბლატი მუსიკალურ პროექტ "საქართველოს ვარსკვლავის" ერთ-ერთი ფავორიტი მონაწილეა. მან უცებ მოიპოვა პოპულარობა თავისი განსხვავებული იმიჯისა და მომხიბვლელი გარეგნობის წყალობით.

ნინა 18 წლისაა და წელს დაამთავრა სკოლა. დაიბადა და იზრდებოდა მოსკოვში. ხოლო შემდეგ კი საქართველოში გადმოვიდა საცხოვრებლად. მისი მშობლები გაყრილები არიან, მამას მეორე ოჯახი ჰყავს და თავის გერ და-ძმასთან კარგი ურთიერთობა აქვს.

უყვარს გართობა, წიგნის კითხვა და ფილმების ყურება. ბავშვობიდან მღერის და არ უვლია არცერთ საბავშვო სტუდიაში. "საქართველოს ვარსკვლავი" ნინა სუბლატისთვის პირველი პროექტია, რომელშიც მან მონაწილეობა მიიღო.

იგი ბერას სტუდიაში კასტინგით მოხვდა, სადაც ერთი წლის განმავლობაში სწავლობდა.

ნინას ყავს შეყვარებული პიტო სეთურიძე, რომელიც სამხატვრო აკადემიის არქიტექტურის ფაკულტეტის სტუდენტია. პიტოც ძალიან განსხვავებული პიროვნებაა, განსხვავებული იმიჯით. არატიპიური ქართველი ბიჭია, რაც ძალიან ბევრის გაღიზიანებას იწვევს და სოციალურ ქსელ ფეისბუქში მის მიმართ ძალიან ნეგატიური განწყობაა, იმასაც კი წერენ ამ გოგს რა უნდა ესეთ პიროვნებასთანო. მაგრამ წყვილი ამ ყველაფერს ყურადღებას არ აქცევს, მათ ძალიან უყვართ ერთმანეთი. პიტო ნინას ყველა კონცერტს ესწრება და გულშემატკივრობს.

ნინა სუბლატს ძალიან უყვარს ტატუები და მას უკვე 8 ტატუ აქვს.

რაც შეეხება "სუბლატს" ეს ნინას ფსევდონიმია, რომელიც თვითონ მოიგონა. მისი ნამდვილი გვარი არ არის ცნობილი. ნინა და მისი გარემოცვა ამას საგულდაგულოდ მალავენ. ნინა გვარს იმ შემთხვევაში გაამხელს თუ ფინალამდე მივა. ჯერ-ჯერობით ნამდვილ გვარს ნინა არ ამბობს და პროექტშიც იმიტომ გადაწყვიტა ფსევდონიმით გამოსვლა, რომ მას ნამდვილი გვარით არავინ არ იცნობს.

გთვაზობთ ნინას და მისი შეყვარებულის, პიტოს პირად ფოტოებს.