სკანდალურად ცნობილ ბუქარესტის “სტიაუას” მეპატრონე ჯიჯი ბეკალის რუმინეთის სასამართლომ 3-წლიანი პატიმრობა მიუსაჯა. ამის შესახებ, რუმინული პრესა იუწყება.
ბიზნესმენი რუმინეთის თავდაცვის სამინისტროს ორ ყოფილ ჩინოსანთან ერთად გაასამართლეს, რომელთაც 54 წლის ბეკალის, უკანონოდ 30 ჰექტარი მიწა სასოფლო-სამეურნეო მოხმარებისთვის გადასცეს.
სასამართლოს გადაწყვეტილებით, ამ უკანონობის შედეგად სახელმწიფომ 900000 დოლარი იზარალა. თავის მხრივ, ბეკალის თანამზრახველებს 2-2 წელი ციხე მიუსაჯეს.
“სტიაუას” მეპატრონე კვირას გამთენიისას ბუქარესტის აეროპორტში დააკავეს, როდესაც ქვეყნიდან წასვლას ცდილობდა.
www.worldsport.ge