ყოველი წლის გაზაფხული-ზაფხულის სეზონი თავის ტენდენციას კარნახობს და ამკვიდრებს როგორც ტანსაცმელსა და აქსესუარებში, ასევე მაკიაჟშიც.

არც 2013 წლის სეზონია ამ მხრივ გამონაკლისი.

წელს ვიზაჟისტებმა მაკიაჟში რამდენიმე აქცენტი გამოყვეს.

პირველ რიგში მათ უპირატესობა მიანიჭეს ვარდისფერს.

ვარდისფერი მარადიული ახალგაზრდობის სიმბოლოდ მიიჩნევა.

მის საპატივცემულოდ Chanel-მა ვერსალში გამართული საკრუიზო ჩვენებისთვის ცალკე "ვარდისფერი" კოლექცია შექმნა.

ახალი ფერ-უმარილი, თვალის ჩრდილები, პომადა და ფრჩხილების ლაქი დაგეხმარებათ უდარდელი იერის შექმნაში და სამყაროს ვარდისფერ ფერებში დაგანახებთ.

Donna Karan-ის საგაზაფხულო ჩვენებაზე ვიზაჟისტები უფრო

შორს წავიდნენ და ვარდისფერით მოდელების წამწამებიც შეღებეს.

იმ ქალბატონებმა, ვისაც ვარდისფერი არ მოსწონს, შეუძლიათ

აირჩიონ მაკიაჟი ბუნებრივ ტონებში, როგორც Balmain-ის ჩვენებაზე იყო წარმოდგენილი.

მიმდინარე სეზონზე დიდ პატივშია ფუმფულა ხელოვნური წამწამები, როგორც Gucci-ის შოუზე იქნა წარმოდგენილი და თვალის "მეტალისებური" მაკიაჟი, რომლითაც Chanel-ის გაზაფხული-ზაფხული 2013 ჩვენებაზე იწონებდნენ თავს მოდელები.

Gucci

Chanel

ექსპერიმენტების მოყვარულ ქალბატონებს შეუძლიათა გაიმეორონ 1960-იანი წლების სტილის მაკიაჟი, რომელიც Marc Jacobs-ის კოლექციის ჩვენებაზე იქნა წარმოდგენილი.

მოიძიეთ ტვიგის ფოტოები, მდგრადი ფანქარი თვალისთვის, ატმისფერი ჩრდილები და შექმენით სახასიათო მაკიაჟი.

Marc Jacobs

რაც შეეხება პომადას, წელს უპირატესობა გლუვი კონსისტენციის პომადებს მიანიჭეთ- როგორც მაგ. Burberry და Giles ჩვენებაზე. ასეთი პომადა უფრო მეტი ხნით ნარჩუნდება ტუჩებზე და ფერიც უფრო დატვირთული გამოდის. ( რაც აუცილებელია პირობაა დაიპყროთ მამაკაცების გული პირველივე გაღიმებისას)

Burberry

Giles