"მის საქართველო 2003" – ირინა ონაშვილი ათი თვის წინ დედა გახდა, მაგრამ თავის ბიჭს, საბას, უცხო თვალისგან 4 თვე მალავდა. ამ ხნის განმავლობაში სოციალურ ქსელში ბავშვის მხოლოდ ხელებისა და ფეხების სურათებს აქვეყნებდა. "აკრძალვა" მაშინ მოხსნა, როცა პატარა მონათლეს. ეს 12 მაისს, ანდრია პირველწოდებულის ხსენების დღეს მოხდა. ლადო ცოლ–შვილს ახლა მეტ დროს უთმობს და ამით ირინა ძალიან ბედნიერია. ახლა გრძნობს, რომ ქმართი მთლიანად ოჯახს ეკუთვნის და არა – საქმეს. ბოლო პერიოდში სირთულეები გადაიტანეს. განსაკუთრებით მძიმე მათი მისამართით წამოსული ნეგატიური განწყობა იყო. ირინა თვლის, რომ ეს არ დაუმსახურებიათ. ახლაც თვალწინ მიდგას 2003 წლის ოპერის თეატრის სცენა, რომელზეც საქართველოში პირველად ჩატარდა "მის საქართველოს" შესარჩევი კონკურსი. დარბაზი სავსე იყო მაყურებლით, მათ შორის, ქართველი ვარსკვლავები ჭარბობდნენ. "მისი", რომელიც იმ მშვენიერ გოგონებს შორის საუკეთესოდ ცნეს - ირინა ონაშვილი აღმოჩნდა. ირინამ იმთავითვე საყოველთაო მოწონება დაიმსახურა. მისი სილამაზით საზოგადოება მოიხიბლა. ეს ფაქტი ახალგაზრდა მოდელის კარიერაში უდიდესი წარმატება იყო. ის "მის მსოფლიოზეც" ოცეულში მოხვდა. ირინას დიდი გეგმები აქვს და ჯერ ბოლომდე არ აპირებს გამხელას, ჯერჯერობით აქტიურად არ მოღვაწეობს რაიმე სფეროში, რადგან გადართული იყო მთლიანად ბავშვის აღზრდაზე.