"მანჩესტერ სიტის" ყოფილი ფეხბურთელი ჯოი ბარტონი დასახელდა ფეხბურთის ისტორიაში ისტორიაში ყველაზე საძულველ მოთამაშედ.

FourFourTwo-მ ფეხბურთის ისტორიაში ყველაზე საძულველი პიროვნებების სია შეადგინა. ინფორმაციას Telecomasia.net ავრცელებს.

ყველაზე საძულველ ფეხბურთელად "მანჩესტერ სიტის" ყოფილი ნახევარმცველი ჯოი ბარტონი დასახელდა. მეორე ადგილი ფეხბურთის საერთაშორისო ფედერაციის (FIFA) ყოფილმა პრეზიდენტმა, შვეიცარიელმა იოზეფ ბლატერმა დაიკავა, მესამეზე კი გერმანიის ნაკრების მეკარე, ევროპის ჩემპიონი და მსოფლიოს ვიცე-ჩემპიონი ჰარალდ შუმახერია.

მეოთხე ადგილზეა ევროპის საფეხბურთო ასოციაციების კავშირის ყოფილი ხელმძღვანელი და საფრანგეთის ნაკრების ნახევარმცველი, ევროპის ჩემპიონი და მსოფლიო ჩემპიონატის მესამე პრიზიორი მიშელ პლატინი. მეხუთე იყო სენეგალის ნაკრების ყოფილი თავდამსხმელი ელ-ჰაჯი დიუფი.

მასალაში ნათქვამია, რომ ბარტონი კარგი ფეხბურთელი იყო, მაგრამ უარყოფითი პიროვნება. „ახალგაზრდა მოთამაშის თვალზე ანთებული სიგარის ჩაქრობა....მრავლობითი აგრესია როგორც მოედანზე, ასევე მის ფარგლებს გარეთ, უხეშად ამაზრზენი თავდასხმები სოციალურ მედიაში ქალებზე და სხვა"- აღნიშნეს ჟურნალისტებმა.სწორედ ამ თვისებების გამო დაასახელეს იგი ყველაზე საძულველ ფეხბურთელად.

საძულველ ფეხბურთელების სიაში მოხვდნენ აგრეთვე პორტუგალიელები კრიშტიანუ რონალდუ და ჟოზე მოურინიო, ურუგვაელი ლუის სუარესი და ინგლისელი ჯონ ტერი.