ფეხბურთი "თქვე არშემდგარო არარაობებო‼️" - ვის მიმართავს დათო ოქიტაშვილი? 2023, 1 ნოემბერი, 14:57 საქართველოს ნაკრების და "ნაპოლის" ფორვარდი ხვიჩა კვარაცხელია "ოქროს ბურთის"დაჯილდოების ცერემონიაზე მეუღლესთან, ნიცა თავაძესთან ერთად მივიდა. მან მცირე კომენტარი ჟურნალისტებთანაც გააკეთა და განაცხადა, რომ "ოცნებაშიც ვერ წარმოვიდგენდი, რომ ერთ დღეს აქ მომიწევდა მოსვლა. ძალიან გახარებული ვარ და ძალიან მადლიერი ვარ აქ ყოფნის გამო. პატივს ვცემ ყველა ფეხბურთელს. ჩემთვის სასიამოვნოა აქ, მათთან ერთად ყოფნა, აქ დიდებული ფეხბურთელები არიან, მიხარია, რომ ამ ყველაფრის ნაწილი ვარ", - აღნიშნა კვარაცხელიამ. საბოლოოდ, კვარაცხელიამ მსოფლიოს საუკეთესო ფეხბურთელ ნომინანტთა სიაში მე-17 ადგილი დაიკავა. ქართველი ფეხბურთელის მორიგ წარმატებას საქართველოს კლუტურის პალატის ხელმძღვანელი დათო ოქიტაშვილი სოციალური ქსელით ეხმაურება. "მთელი დღეა ვკითხულობ თუ როგორ აბულინგებენ ამ ორ არაჩვეულებრივ ახალგაზრდას‼️ ეხლა კარგად მომისმინეთ თქვე გახრწნილებო‼️ თქვე არშემდგარო არარაობებო‼️ესაა შურის, ბოღმის და ბოროტების მიზეზი. იმიტომ რომ ამ ქვეყნათ არაფერს არ წარმოადგეთ, არარაობები ხართ. ერთი კი ვიცი თქვენაირი ხალხი ხვიჩას და ნიცას ვერაფერს დააკლებს. წარმატებები თქვენ, მიყვარხართ. ხვიჩა კვარაცხელიას ფან კლუბი"-წერს ოქიტაშვილი. თუმცა დათო ოქიტაშვილს კომენტარებში უწერენ, რომ ხვიჩას და ნიცას მისამართით უარყოფითი კომენტარი არ უნახავთ. 148 2-ს მოსწონს
|