ბრიტნი სპირსი და სემ ასგარი ერთი წლის ქორწინების შემდეგ შორდებიან. ამის შესახებ TMZ იტყობინება.

გამოცემის ცნობით, მომღერლის ღალატებზე ჭორების გამო მეუღლეებს შორის კონფლიქტი მოხდა. ამის შემდეგ ასგარი საცხოვრებლად სხვაგან გადავიდა და განქორწინებას აპირებს. სპირსმა უკვე დაიქირავა ადვოკატები. ტაბლოიდის ცნობით, 41 წლის ბრიტნი სპირსის და 29 წლის სემ ასგარის ურთიერთობაში დიდი ხანია პრობლემები იყო, ისინი ხშირად კამათობდნენ.

სემ ასგარი არის მოდელი, ბოდიბილდერი და ფიტნეს ტრენერი. მან და ბრიტნიმ გაიცნეს სიმღერის Slumber Party კლიპის გადასაღებ მოედანზე, შემდეგ კი გადაწყვიტეს ურთიერთობის დაწყება. ისინი რამდენიმე წელი ხვდებოდნენ ერთმანეთს და გასული წლის ზაფხულის დასაწყისში დაქორწინდნენ. ქორწილს ვარსკვლავები ესწრებოდნენ, მათ შორის პერის ჰილტონი და სელენა გომესი. წვეულებაზე არ მიიწვიეს ბრიტნი სპირსის ოჯახის წევრები.
ამ ზაფხულს, ქსელში გაჩნდა ჭორები მეუღლეთა ურთიერთობაში არსებულ პრობლემებზე: ბრიტნი დასასვენებლად წავიდა ქმრის გარეშე, ხოლო სემი ბეჭდის გარეშე შენიშნეს. მოგვიანებით მათ უარყვეს ეს ჭორები და კვლავ დაიწყეს ერთად ფოტოების და ვიდეოების გამოქვეყნება ინსტაგრამზე.

სემ ასგართან ქორწინება მომღერლისთვის მესამე იყო. 2004 წელს, ლას-ვეგასში, იგი დაქორწინდა ჟურნალისტ ჯეისონ ალექსანდრეზე, მაგრამ მათი ქორწინება მხოლოდ 55 საათს გაგრძელდა და გაუქმდა. იმავე წელს იგი დაქორწინდა კევინ ფედერლაინზე, 2007 წელს ისინი განქორწინდნენ. ბრიტნის ფედერლაინისგან ორი ვაჟი ჰყავს: შონ პრესტონი და ჯეიდენ ჯეიმსი. ვაჟები ცხოვრობენ მამასთან ბრიტნისთან ურთიერთობა თითქმის არ აქვთ.