პოეზია "ტოტო კუტუნიომ ლექსი დაწერა: ევროპელიაო ჩემზე ნუ იტყვით, თორემ წყენაში ჩაგითვლით ნათქვამს!"-რა ლექსს აზიარებს თამარ ჩერგოლეიშვილი? 2023, 13 აგვისტო, 17:54
გამოცემა "ტაბულას" დამფუძნებელი თამარ ჩერგოლეიშვილი სოციალური ქსელით ირონიულად ეხმაურება ახალგაზრდა პოეტის, ოტია ზედგენიძის ლექსს და წერს: "ტოტო კუტუნიომ ლექსი დაწერა:
ევროპელიაო ჩემზე ნუ იტყვით, თორემ წყენაში ჩაგითვლით ნათქვამს! იტალიელი ვარ! დაიმახსოვრეთ! იტალიაში მირწევდნენ აკვანს!"-წერს ჩერგოლეიშვილი.
 ესეც ლექსი:
“ევროპელიაო... ჩემზე ნუ იტყვით თორემ წყენაში
ჩაგითვლით ნათქვამს,
მე ქართველი ვარ, დაიმახსოვრეთ! საქართველოში
მირწევდენ აკვანს.
მე არც ევროპის მონა ვიქნები და არც რუსეთის
დავირტყამ მათრახს,
მე ქართველი ვარ, დაიმახსოვრეთ! საქართველოში
მირწევდენ აკვანს.
იმ წინაპართა ძვლებზე გაზრდილი თქვენ რომ
ეძახით დავითს და თამარს,
მე იმ ქართველთა ლექსებით მზრდიდენ,
თქვენ რომ ეძახით ილიას, ვაჟას,
ენა, მამული, სარწმუნოება,
უფრო ძვირფასი რა გამაჩნია? ჩემთვის ესაა
მთელი სიმდიდრე,
მთელი სიცოცხლეც ესაა ჩემთვის, თუ წინაპრები სისხლით იცავდენ
ჩვენ საკუთარი ნებით რად დავთმოთ?
ისევ ვიმღეროთ მოდით შავლეგო ისევ ვიმღეროთ
იავნანური,
ისევ გავშალოთ ქართული სუფრა და დავიმღეროთ დარდიმანდული, ევროპელიაო, ჩემზე ნუ იტყვით თორემ წყენაში
ჩაგითვლით ნათქვამს,
მე ქართველი ვარ, დაიმახსოვრეთ! საქართველოში
მირწევდნენ აკვანს..!!!!''
ოტია ზედგენიძე
765 4-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
