შაკიკი — ძალიან ძლიერი, აუტანელი თავის ტკივილია, რომელიც ჩვენს დროში მეტად გავრცელებული დაავადებაა, განსაკუთრებით მოზარდებში და საშუალო ასაკის ადამიანებში. შაკიკს მხოლოდ ერთი დღის გეგმის ჩაშლა კი არა, შეუძლია პრობლემები შექმნას სამუშაოსთან დაკავშირებით და ასევე გავლენა მოახდინოს ჯანმრთელობის საერთო მდგომარეობაზე.

ამიტომ, ძალიან მნიშვნელოვანია თადარიგის დაჭერა მის დაწყებამდე, რომ ტკივილის თავიდან აცილება შეძლოთ. ბევრი ხელმისაწვდომი საშუალება არსებობს, რომელიც შაკიკით გამოწვეული თავის ტკივილის სამკურნალოდ გამოიყენება. ამ «წამლებს» შორის არის მარილიც, რომელიც საუკეთესო ინგრედიენტია, შაკიკის სამკურნალოდ, სახლის პირობებში, თან უმოკლეს დროში.

მაგრამ, სამკურნალოდ ნებისმიერი მარილი არ გამოდგება. საჭიროა ჰიმალაის მარილის კრისტალები (ვარდისფერი მარილი, იყიდება მარკეტებში), რომელიც 84 მინერალს შეიცავს და დაახლოებით, 118 ელემენტის წყაროა. მისი სამკურნალოდ გამოყენება, ორგანიზმს სხვა უპირატესობასაც აძლევს: ზრდის ორგანიზმის ენერგეტიკულ დონეს და აღადგენს მასში ტუტე გარემოს. ის ასევე, სისხლში სეროტონინის დონეს აბალანსებს და იმუნურ სისტემას აძლიერებს. ჰიმალაის მარილი, მინერალების მაღალი შემცველობის გამო, ორგანიზმში ელექტროლიტების დაბალანსებას ახდენს.

I. გახეხეთ 1 ლიმონის ცედრა სახეხზე და გამოწურეთ ლიმონი.

II. დაუმატეთ 1 ჩ. კ. ჰიმალაის მარილი.

III. დაუმატეთ 100 მლ. თბილი წყალი.

მიღებული ნაზავი, არც ისე ცუდი დასალევია და 5 წუთში შაკიკის სიმპტომები ქრება. ამიტომ, ტკივილგამაყუჩებლების გამოყენების ნაცვლად, შეგიძლიათ ეს ბუნებრივი საშუალება გამოიყენოთ და შაკიკის შეტევები დაივიწყოთ.

თუმცა, უნდა აღინიშნოს, რომ მას უკუჩვენებაც გააჩნია, – ის არტერიულ წნევას ზრდის და ამიტომ, არ არის რეკომენდებული ჰიპერტონიის მქონე ადამიანებისთვის.

იმ შემთხვევაში, თუ ზემოთ ხსენებული ინგრედიენტები ხელთ არ აღმოგაჩნდათ, ან წვენის მიღება ვერ მოასწარით და თავის ტკივილი დაგეწყოთ, შეგიძლიათ თავის მოსარჩენად (არა მარტო შაკიკის დროს) ეს უმარტივესი საშუალება გამოიყენოთ:

შაკიკის დროს, ტკივილის მოსახსნელად, საჭიროა წარბებს შორის ყველაზე მგრძნობიარე წერტილის მოძებნა და მისი, წრიული მოძრაობით, მასაჟირება 1 წუთის მანძილზე. შედეგი, მომენტალურად დგება: ტკივილი ქრება, ხდება შიდა ქალის და თვალის წნევების რეგულირება. გარდა ამისა, უმჯობესდება სისხლის ცირკულაცია. შედეგად, თავის ტვინი ბიოლოგიურად აქტიურ ნივთიერებებს იღებს, რაც თავის მხრივ, ტვინის გააქტიურებას და მისი სრული ძალით ამუშავებას იწვევს.

აქვე უნდა აღინიშნოს, რომ ამ მასაჟის გაკეთების შემდეგ, მცირდება სტრესის შემდგომი სიმპტომებიც და ხდება ძილის მოწესრიგება. ხოლო, იმ შემთხვევაში, თუ ადამიანს ჰაიმორიტი ან სინუსიტი აწუხებს, – მასაჟი ლორწოს გამოდევნის პროცესს აუმჯობესებს და ცხვირის და შუბლის სინუსების ანთებისას, პაციენტის მდგომარეობის შემსუბუქებას იწვევს.

ადამიანისთვის, რომელსაც ხშირად აქვს შაკიკის შეტევა, დარღვეული აქვს ძილი ან უძილობა აწუხებს, – ეს მასაჟი, ნამდვილი შველაა, – ისევე როგორც, მაშველი რგოლი, წყალში ჩავარდნილისთვის!

არხის სხვა სიახლეები:

* უსაფრთხო რუჯი და კოსმეტიკასთან დაკავშირებული მითები

* ლეონარდო და ვინჩის ყველაზე დიდი საიდუმლო და სახლი, რომელშიც მხატვარმა სიცოცხლის უკანასკნელი წლები გაატარა

* უცნაური რამეები და სახალისო ფოტოები (V ნაწილი)

* თუ არ იცით მისაღები როგორ მოაწყოთ, ეს რჩევები დაგეხმარებათ - ყველაზე პოპულარული და ტრენდული ფერი ინტერიერის დიზაინში