ბევრს ჰგონია, რომ უკრაინაში რუსეთის არმიის აგრესიის შემდეგ გათხრილი ტრანშეები და სანგრები გათხრილია ხელით საინჟინრო ან სამშენებლო ბატალიონების მებრძოლების მიერ.

არა და ეს სრულიად აბსურდული მოსაზრებაა, რადგან წარმოიდგინეთ რამდენი მებრძოლი, რამდენი დრო და რამდენი შრომა დაჭირდებოდა იმ სიგრძის ტრანშეების გათხრას ხელით, რაც გაითხარა ომის დაწყების დღიდან დღემდე.

რუსული მხარეც და უკრაინული მხარეც იყენებს საბჭოთა წარმოების საინჟინრო მანქანას, რომელიც ნებისმიერ თანამედროვე ექსკავატორზე სწრაფად და ხარისხიანად თხრის ტრანშეას.

"БТМ-3"-იშიფრება, როგორც სწრაფმავალი სატრანშეო მანქანა, უმაღლეს საინჟინრო ინსტიტუტში სწავლისას უკრაინაში, ვმჯდარვარ ამ უძველესი მანქანის საჭესთან და თამამად ვამბობ, რომ ჯერჯერობით ამაზე მარტივი, ეფექტური და სწრაფი საშუალება ტრანშეების გასათხრელად ჯერ არ შექმნილა.

აღნიშნული ტექნიკა სამხედრო-საინჟინრო ჯარბისთვის შეიქმნა 1970 წელს, მაგრამ წარმოების დღიდანვე ფართო გამოყენება ჰპოვა სამოქალაქო დანიშნულებისათვის გამოყენებაში, გამოიყენებოდა, როგორც სამელიორაციო და საირიგაციო არხების გასაჭრელად. ტექნიკას შეუძლია გაჭრას არხი ქვიშიდან დაწყებული მძიმე კლიმატურ პირობებში გაყინულ მიწაშიც კი, ამ დროს როგორც წესი საწვავის მოხმარება მატულობს, მაგრამ რაც მთავარია სწრაფად კეთდება საქმე.

აი როგორ თხრის ტრანშეას უკრაინაში 53 წლის კონსერვაციიდან გამოყვანილი "БТМ-3" ტრანშეას უკრაინაში.