მოგეხსენებათ დღეს ბათუმში ქართულ-ამერიკული ტექნოლოგიური უნვერსიტეტი გაიხსნა. შენობის საზეიმო გახსნას საქართველოს პრეზიდენტი და შინაგან საქმეთა მინისტრის მოვალეობის შემსრულებელი ეკა ზღულაძე დაესწრნენ.

შენობა აღმოსავლეთ ევროპასა და ყოფილ საბჭოთა კავშირის სივრცეში ყველაზე მაღალია და პრეზიდენტის თქმით, ყველაზე ძლიერი საგანმანათლებლო დაწესებულება იქნება, რომელზედაც მიხეილ სააკაშვილი დიდ იმედებს ამყარებს.

-----------------------------------------------------------------------------------

ეს ისტორიული დღეა საქართველოსთვის, ამ ქალაქისთვის, ქართული საგანმანათლებლო სისტემისა და თითოეული ჩვენთაგანისთვის. ეს შენობა არ არის უბრალოდ ყველაზე მაღალი შენობა მთელ ამიერკავკასიაში არამედ ეს არის საწინდარი იმისა რომ გადავიდეთ ახალ ეტაპზე . აქ სწავლის მსურველთათვის სწავლის 25% სრულიად უფასო იქნება ის კი ვინც მაღალ გრანტს აიღებს 100% უფასო იქნება. ის მოსწავლეები ვინც წარმატებით განაგრძბენ სწავლას მიიღებენ მაღალ სტიპენდიას. ჩვენ აქ ჩამოვიყვანთ უმაღლესი დონის პროფესორებს ყველა იმ დარგისთვის რომელი დარგისთვისაც განვითარება გვჭირდება! დღეს ჩემი ოცნების ახდენის დღეა. ვიღაცას შეიძლება ეგონოს ტყუილი ვიღაცას კიდევ ფანტაზია.მე არც პროექტებს ვაწყობ და არც ფანტაზიებს ჩვენ ვაკეთებთ, ვასრულებთ და ვაბარებთ მომავალ თაობას", - განაცხადა მიხეილ სააკაშვილმა.