კვირას, 20 მარტს, საფრანგეთის ეკონომიკისა და ფინანსთა მინისტრმა ბრუნო ლე მაირმა გამოაცხადა რუსეთის ცენტრალური ბანკის სახსრების გაყინვა 22 მილიარდი ევროს ოდენობით. მსგავსი ზომები შეეხო დასავლეთის ქვეყნების ანტირუსული სანქციების ქვეშ მოქცეულ პირთა ანგარიშებსა და უძრავ ქონებას.

„ჩვენ გავყინეთ რუსეთის ფედერაციის ცენტრალური ბანკის აქტივები 22 მილიარდი ევროს ოდენობით. ჩვენ ასევე გავყინეთ ფულადი სახსრები საფრანგეთის დაწესებულებებში ფიზიკური პირების ანგარიშებზე 150 მილიონი ევროს ოდენობით“, - განაცხადა ლე მერმა რადიოსადგურ RTL-ის ეთერში. ფრანგმა მინისტრმა ასევე დასძინა, რომ ქვეყანაში გაყინულია მთლიანი 0, 5 მილიარდი ევროს ღირებულების უძრავი ქონება, რომელიც 30-მდე რუსს ეკუთვნოდა. ოფიციალურმა პირმა განმარტა, რომ უძრავი ქონების გაყინვა არ გულისხმობს ქონების სახელმწიფოს სასარგებლოდ გასხვისებას. მინისტრის თქმით, ეს იმისთვის გაკეთდა, რომ მესაკუთრეებმა მისი გადაყიდვა ან მოგების მიზნით ვერ გამოიყენონ.