ზაგრებში უცნობი ობიექტი მიწაზე დაეცა და აფეთქდა. ადგილობრივი მედია წერს, რომ ხორვატიის დედაქალაქში უკრაინული უპილოტო თვითმფრინავი ჩამოვარდა. რესპუბლიკის შინაგან საქმეთა სამინისტროს პრესსამსახურმა ინციდენტის შესახებ იტყობინება: „23:00 საათის შემდეგ ზაგრების პოლიციის განყოფილებამ მოქალაქეებისგან მიიღო რამდენიმე სიგნალი, რომ აფეთქება იგრძნობოდა ჯარუნის რაიონში. ამას წინ უძღოდა ობიექტის ჩამოვარდნა... ადგილზე სასწრაფოდ გაიგზავნა სპეც ჯგუფი, რომელმაც იარუნსკას ქუჩაზე კრატერი აღმოაჩინა... იქვე არის ორი პარაშუტი, რაზეც მათ ადრე მიიღეს ინფორმაცია“.

ხორვატიულ გამოცემა Jutarnji list-ზე დაყრდნობით წერს, რომ უკრაინული დრონი ამოუცნობი მფრინავი ობიექტი აღმოჩნდა. ასევე, მათ მიიღეს ინფორმაცია Sibenski პორტალიდან, ინფორმაცია, რომ უკრაინიდან გაფრენილი თვითმფრინავი Tu-141 Strizh ჩამოვარდა ხორვატიის დედაქალაქში. სააგენტო Hina ხორვატიის მთავრობის განცხადებაზე დაყრდნობით წერს: „ზაგრებში ჯარუნის რაიონში სამხედრო ტიპის უპილოტო საფრენი აპარატი ჩამოვარდა, რომელიც ხორვატიის საჰაერო სივრცეში შევიდა აღმოსავლეთიდან დასავლეთის მიმართულებით, კერძოდ უნგრეთის საჰაერო სივრციდან. გამოძიება კრიმინალური და სამხედრო პოლიციის თანამშრომლობით ამ წუთებშიც მიმდინარეობს“.

აფეთქების შედეგად არავინ დაშავებულა. შემთხვევის ადგილზე სპეციალისტები მუშაობენ.