საფრანგეთის პრეზიდენტმა ემანუელ მაკრონმა განაცხადა, რომ "თურქულმა და რუსულმა ძალებმა" უნდა დატოვონ ლიბიის ტერიტორია. მისი აზრით, ევროპელების პასუხისმგებლობა იმაშია, რომ მათ ყველას მოუწოდონ შეწყვიტონ ლიბიის დესტაბილიზაციას.

”აუცილებელია, რომ თურქეთისა და რუსეთის საგარეო ძალებმა რაც შეიძლება სწრაფად დატოვონ ლიბიის ტერიტორია. ასევე ყველა იმ მებრძლოებმა, რომლებიც ცალკეული ქვეყნების მიერ იყვნენ შეყვანილი. რადგან ლიბიის უსაფრთხოების უზრუნველყოფის კანონიერი უფლება მხოლოდ ლიბიის შეიარაღებულ ძალებს აქვთ ", - განაცხადა ბატონმა მაკრონმა ელიზეს სასახლეში, ლიბიის საპრეზიდენტო საბჭოს თავმჯდომარე მუჰამედ მენფისთან შეხვედრის შემდეგ (ციტირებს ინტერფაქსი).

ლიბიის ახალმა ხელისუფლებამ საპრეზიდენტო საბჭომ და მთავრობამ ფიცი დადეს მარტში და ოფიციალურად დაიწყეს მუშაობა. ახალი ხელმძღვანელობის მიზანია ლიბიაში ეროვნული ერთიანობის მიღწევა და საყოველთაო არჩევნების მომზადება. ამ გზაზე კი ერთ-ერთ ყველაზე რთულ საკითხად სწორედ ლიბიაში უცხოელი შეიარაღებული ძალების ყოფნას რჩება.

იანვარში ამერიკულმა მედიამ გაავრცელა ინფორმაცია, რომ რუსეთი აძლიერებს სამხედრო პოზიციებს ლიბიაში. ამის საპასუხოდ კი რუსეთის საგარეო საქმეთა სამინისტრომ განაცხადა, რომ მოსკოვი ღიად მოქმედებდა.