საზოგადოება
"ერთი კვირაა ივანიშვილი პარტიაში არავის ეკონტაქტება... ორივე დამალულია" - ელისო კილაძე
2020, 8 ნოემბერი, 19:53
გაზეთ "ქრონიკა +" -ის მთავარი რედაქტორი ელისო კილაძე სახელისუფლებო პარტიაში არსებულ დიდ არეულობაზე საუბრობს. ჟურნალისტი საკუთარ წყაროზე დაყრდნობით აცხადებს რომ ბიძინა ივანიშვილი მმართველ პარტიაში უკვე 1 კვირაა არავის ეკონტაქტება, მათ შორის არც თბილისის მერს და "ქართული ოცნების" გენერალურ მდივანს, კახა კალაძესა და პარლამენტის ყოფილ თავმჯდომარეს, ირაკლი კობახიძეს. კილაძის თქმით, სწორედ ამიტომ მთელი დღის განმავლობაში დღეს განცხადებების გაკეთება გიორგი კახიანს უწევს: "წყარო: ერთი კვირაა ივანიშვილი პარტიაში არავის ეკონტაქტება, არც კობახიძეს არც კალაძეს ! ორივე დამალულია დღეს - გიორგი კაციანი გამოაგორეს, არასერიოზული ულტიმატუმი და 6000 კაციო, - გვაუწყა წაშლილი სახით!"- დაწერა ელისო კილაძემ სოციალურ ქსელში.
