გარდა თვალების ბუდეებიდან გადმოცვენისა, ფესტივალის სტუმრებმა დიდი მავთულები გამოიყენეს, რათა ენები და ლოყები გაეხვრიტათ და ასე გასისხლიანებულ-გასიებული ენებით და ლოყებით, შიგნით მავთულგაყრილებს ევლოთ ქუჩებში.

ფესტივალი ექვსდღიანი იყო, ორშაბათიდან შაბათის ჩათვლით გრძელდებოდა და ის სუფისტი წმინდანის, ხოჯა მოინუდინის ხსენებას ეძღვნებოდა. ღონისძიება სწორედ იმ დღეს ჩატარდა, როცა წმინდანი გარდაიცვალა.

მქადაგებელი და ფილოსოფოსი ხოჯა მოინუდინი მე-13 საუკუნეში გარდაიცვალა. წელს მისი გარდაცვალებიდან რიგით 808-ე ფესტივალი გაიმართა.

აღნიშნული ფესტივალი ყოველთვის აღინიშნება სიმღერით და ცეკვით და თან აუცილებლად ისლამური მთვარის კალენდრის მეშვიდე თვეში.

ინდოელ მუსლიმებს მიაჩნიათ, რომ თვალების ფოსოებიდან ამოყრა და ლოყების და ენის გახვრეტა გარდაცვლილი წმინდანისადმი ერთგულების დასამტკიცებლად საუკეთესო საქციელია. მათი რწმენით, მსგავსი საქციელის ჩამდენი ამქვეყნად კურთხეული და დალოცვილი იქნება, ხოლო გარდაცვალების შემდეგ აუცილებლად სამოთხეში მოხვდება.