ჯანდაცვის მსოფლიო ორგანიზაციის ხელმძღვანელის განცხადებით, კორონავირუსს მსოფლიო დაუყოვნებლივ უნდა დაუპირისპირდეს, რადგან სხვა არჩევანი უბრალოდ არ არსებობს.

მისი სიტყვებით, ყველა ქვეყანამ თავად უნდა გადაწყვიტოს, თუ როგორ ებრძოლოს კორონავირუსს. რადგან ეს უნიკალური ვირუსია, მასთან ბრძოლის ხერხებიც უნიკალური უნდა იყოს.

ცნობილია, რომ ამჟამად კორონავირუსის გავრცელება დიდწილად შეჩერებულია. მისგან გარდაცვლილთა რაოდენობამ უკვე გადააჭარბა 3 ათასს, თუმცა ეპიდაფეთქების საფრთხემ შედარებით იკლო. სასიკვდილო შემთხვევათა უდიდესი ნაწილი დაფიქსირდა პროვინცია ჰუბეიში, სადაც მდებარეობს ქალაქი უჰანი. ბოლო მონაცემებით, 50 ადამიანზე მეტი გარდაიცვალა ირანში. იტალიაში ვირუსით გარდაცვლილთა რაოდენობამ კი 30-გადააჭარბა. ზოგადად, კორონავირუსით გარდაცვალების შემთხვევები უკვე 10 ქვეყანაშია დაფიქსირებული.

ამჟამად მსოფლიოში Covid-19-ით დაავადებულთა რაოდენობამ 90 ათასს გადააჭარბა, ხოლო გარდაცვალების მაჩვენებელი 2, 5-დან 5 %-მდე მერყეობს.