სისხლის სამართალი ბათუმის სასამართლომ მოქალაქე მარიხუანას შენახვისთვის 3000 ლარით დააჯარიმა 2020, 12 თებერვალი, 19:33
ბათუმის საქალაქო სასამართლომ მოქალაქე მარიხუანას შენახვისთვის გაასამართლა.
საქმე მოსამართლე თამარ ბეჟანიშვილმა განიხილა.
როგორც საქმის მასალებიდან ირკვევა, რ. ც-მ, გამოძიებით დაუდგენელ დროსა და ვითარებაში, უკანონოდ შეიძინა და შეინახა დიდი ოდენობით ნარკოტიკული საშუალება „გამომშრალი მარიხუანა“ – 79, 78 გრამის ოდენობით, რაც ქ. ქობულეთში, პოლიციის მუშაკების მიერ იქნა ამოღებული პირადი ჩხრეკის შედეგად.
ბრალდებულმა თავი სრულად სცნო დამნაშავედ. საბოლოოდ მოსამართლემ ის 3 000 ლარით დააჯარიმა. გარდა ამისა, ბრალდებულს 5 წლის ვადით ჩამოერთვა სატრანსპორტო საშუალების მართვის, საადვოკატო საქმიანობის, პედაგოგიური და საგანმანათლებლო დაწესებულებებში საქმიანობის, სახელმწიფო და ადგილობრივი თვითმმართველობის სახაზინო დაწესებულებებში – საჯარო ხელისუფლების ორგანოებში საქმიანობის, პასიური საარჩევნო და იარაღის დამზადების, შეძენის, შენახვის და ტარების უფლებები, ხოლო საექიმო და ფარმაცევტული საქმიანობის, აგრეთვე აფთიაქის დაფუძნების, ხელმძღვანელობისა და წარმომადგენლობის უფლება - 10 წლით. 52 1-ს მოსწონს
|