ბათუმის საქალაქო სასამართლომ განაჩენი გამოუტანა მოქალაქეს, რომელმაც სამარშრუტო ტაქსიდან 2 ტელეფონი მოიპარა.

"2019 წლის 26 თებერვალს, დაახლოებით 18:00 საათზე, ქ. ბათუმში, სამარშრუტო მიკროავტობუსით მგზავრობისას, ი.ს
მართლსაწინააღმდეგო მისაკუთრების მიზნით, ფარულად დაეუფლა მ.პ-ს კუთვნილ “HUAWEIS”-ის ფირმის “P9 LITE”-ის მოდელის მობილურ ტელეფონს. მეორე დღეს, 27 თებერვალს კი, შუადღის საათებში, ქ. ბათუმში, ნონეშვილის ქუჩიდან
თბილისის მოედნისკენ N36 სამარშრუტო მიკროავტობუსით მგზავრობისას, მართლსაწინააღმდეგო მისაკუთრების მიზნით, ფარულად დაეუფლა დ----- ვ---
–----ის კუთვნილ „აიფონ 6“-ის მოდელის მობილურ ტელეფონს" - აცხადებდა პროკურორი სასამართლო პროცესზე.

ბრალდებულმა დანაშაული აღიარა.

მოსამართლე თამარ ბეჟანიშვილმა მას 4 წლიანი პირობითი სასჯელი მიუსაჯა.