ავიამიმოსვლები საქართველოს და რუსეთს შორის გაუქმდა შუა ტურისტული სეზონის დროს, რუსულმა ავიაკომპანიებმა 8 ივლისიდან გააუქმა რეისები საქართველოს მიმართულებით და მზადაა მგზავრებს ბილეთსი გადახდილი ფული უკან დაუბრუნოს, ამასობაში Georgian Airways-მა განაცხადა, რომ მზადაა ტურისტებს შესთავაზოს ტრანზიტული რეისი ერევნის გავლით.

საქართველო ძალზე პოპულარულია რუს ტურისტებს შორის, რუსეთის ტუროპერატორების ასოციაციის განცხადებით, საქართველო ლიდერთა რიგებშია, წლის დასაწყისიდან საქართველოში 500 000 ტურისტი სტუმრობდა, ხოლო გასულ წელს 1, 7 მილიონმა რუსმა ტურისტმა მოინახულა საქართველო.

"საქართველოს ტურიზმის ეროვნული ადმინსტრაციის მონაცემებით, 2018 წელს რუსები მესამე ადგილზე იყვნენ ტურისტების მხრივ, 1, 7 მილიონი ტურისტი, მატებამ 22, 4% შეადგინა, ხოლო წელს, წლის დასაწყისიდან დაფიქსირებულია 539, 4 ათასი ტურისტი, რომელიც 14% -ით მეტია შარშანდელზე.(მთლიანად 36%-იანი მატება)"-განაცხადა რუსეთის ტურინდუსტრიის კავშირის პრეს-მდივანმა ირინა ტიურინამ.

ახლა საქართველოში მოხვედრა მინსკიდან, სტამბულიდან და ბაქოდან არის შესაძლებელი.მაგალითად თურქული ლოუკოსტერი Pegasus -ი მგზავრებს საქართველოში მოხვედრას სტამბულის გავლით 240 აშშ დოლარად სთავაზობს.

ხოლო ქართული Georgian Airways-ის მგზავრებს სთავაზობს ტრანზიტულ რეისს თბილისი-ერევანი-მოსკოვი, თუმცა ჯერჯერობით უცნობია რა რეაგირება ექნება რუსეთის ხელისუფლებას ამ ვარიანტზე.

თბილისში მოხვედრა შეიძლება ავტობუსითაც ვლადიკავკაზიდან.პორტალი Rome2rio-ს ინფორმაციით თბილისამდე მგზავრობა 1000-იდან 1800 რუბლამდე ეღირება.ასევე თუ ერევნამდე ჩახვალთ, იქიდან თბილისამდე 10 საათში მატარებლითაც შეიძლება მოხვედრა.

რუსეთიდან საქართელოში ფრენებს 6 ავიაკომპანია ახორციელებდა ესენია: Аэрофлот", "Победа", S7, "Уральские авиалинии", Red Wings"-ი და "Норд авиа", ყველა ავიაკომპანია მზადაა ან სხვა რეისში გადაცვალოს მგზავრმა ბილეთი, ან თანხა უკან დააბრუნოს.

რა ზარალი შეიძლება მიადგეს საქართველოს ეკომონიკას? წინასწარ ზუსტი დათვლა ნაადრევია, რადგან ყველაფერი ეს დამოკიდებული, თუ რამდენ ხანს გააგრძელებს რუსეთის ხელისუფლება ემბარგოს, ეს შეიძლება იყოს რამდენიმე თვე ან რამდენიმე წელიწადი, ვლადიმერ პუტინის პრეს-მდივანის დიმიტრი პესკოვის განცხადებით, აკრძალვის მოხსნა დამოკიდებულია საქართველოში სიტუაციის ნორმალიზების შემდეგ, "უნდა გაქრეს ყოველგვარი საფრთხე ჩვენი მოქალაქეების მიმართ".

არასამთავრობო ორგანიზაცია "საზოგადოება და ბანკების" მონაცემებით ფრენის სრულად აკრძალვის შემთხვევაში საქართველო დაახლოებით 300 მილიონ დოლარს იზარალებს, რაც საერთო შემოსავლების 8-9%-ია.