საზოგადოება "მე არავისთვის ბრძოლას და ვინმესთვის რამის წართმევას არ ვაპირებ" - შორენა ბეგაშვილი დავით ბაგრატიონთან ურთიერთობაზე 2019, 15 მარტი, 0:39 ბაგრატიონებს შორის ბოლოდროინდელმა დაპირისპირებამ კიდევ ერთხელ გახადა ქტუალური შორენა ბეგაშვილის და დავით ბაგრატიონის ურთიერთობა. გავიხსენოთ შორენა ბეგაშვილის ძველი ინტერვიუ, სადაც ურთიერთობის დეტალებზე საუბრობს. - შორენა, ახლა რა ურთიერთობა გაქვთ? - არანაირი. ყველაფერი დასრულდა, დღეს მასთან არანაირი ურთიერთობა არ მაქვს - მაინც რამდენი ხანია, რაც დაშორდით? - შვიდი თვეა. - ახლა ვის ხვდები? - არავის. - შორენა, შენ ერთ-ერთ ინტერვიუში თქვი, რომ საყვარლები არ ყოფილხართ, შეყვარებულები ვიყავითო. - მართლია, ჩვენ შეყვარებულები ვიყავით და არა საყვარლები. - ანუ შესაძლებელი იყო, მისი ცოლი გამხდარიყავი? - არა, მაგაზე არც ერთი არ ვფიქრობდით, მით უმეტეს, მაშინ ქმარს ახალი გაშორებული ვიყავი. - თქვენი დაშორების მიზეზი მარტო ბაგრატიონების ქორწინება იყო? - ჰო, აბა, სხვა რა მიზეზი უნდა ყოფილიყო. - გული დაგწყდა იმაზე, რომ შენს თავს სხვა არჩია? - არა, გული რაზე უნდა დამწყვეტოდა. ჩემი გადასაწყვეტი მანდ არაფერი არ იყო. უნდოდა ჩემი დაკარგვა და დამკარგა. ასე რომ, გული სხვებს დაწყდეთ. - რომ შემოგთავაზოს, მასთან ურთიერთობას გააგრძელებდი? - (ფიქრობს) არა. - არ გიყვარს თუ თავმოყვარეობის გამო? - იცი რა, ამ დროს ქალი თავმოყვარეობაზე ნაკლებად ფიქრობს, მაგრამ დღევანდელი გადასახედიდან, ვფიქრობ, რომ არა. - შენგან რომ მიდიოდა, რა გითხრა? - არაფერი. ნორმალურად ამიხსნა, რა სიტუაცია იყო. - შენ სიყვარულისთვის არ გიბრძოლია? - არა, მე არავისთვის ბრძოლას და ვინმესთვის რამის წართმევას არ ვაპირებ. თუ საჭიროა, ჩემთვის იბრძოლონ.
- ბევრი იტირეთ მასთან დაშორების დროს? - კი ვიტირე… 192 1-ს მოსწონს
|